କାଦୁଅ ଫିଙ୍ଗା ରାଜନୀତି ଚାଲିଛି: ନରସିଂହ ମିଶ୍ର

ଭୁବନେଶ୍ୱର (ବଡ଼ ଖବର ବ୍ୟୁରୋ): ଆଜି ବିଧାନସଭା ଅଧିବେଶନର ତୃତୀୟ ଦିନ । ଗୃହକାର୍ଯ୍ୟକୁ ନେଇ ଅସନ୍ତୋଷ ପ୍ରକାଶ କଲେ କଂଗ୍ରେସ ନେତା ନରସିଂହ ମିଶ୍ର । କହିଲେ କାଦୁଅ ଫିଙ୍ଗା ରାଜନୀତି ଚାଲିଛି। ଅନେକ ସମୟରେ ଅନେକ ଲୋକ ବିନା ତଥ୍ୟରେ ଗୃହ ଭିତରେ ମତ ରଖୁଛନ୍ତି। ଯାହା କି ଠିକ୍ ନୁହେଁ। ବିଭିନ୍ନ ସମୟରେ ବିଧାୟକମାନଙ୍କୁ ଅସମ୍ମାନ କରାଯାଉଛି। ଅଫିସରମାନେ ବିଧାୟକଙ୍କ କଥା ଶୁଣୁ ନାହାନ୍ତି। ବିଭିନ୍ନ ଫଳକରେ ବିଧାୟକଙ୍କ ନାଁ ରହୁ ନାହିଁ। ବିଭିନ୍ନ କ୍ଷେତ୍ରରେ ଦେଖା ଯାଉଛି ମଞ୍ଚ ଉପରେ ଦଳୀୟ ନେତା ଓ ତଳେ ବିଧାୟକ ରହୁଛନ୍ତି । ରାଜ୍ୟରେ ଆଉ ଗଣତନ୍ତ୍ର ନାହିଁ। ଯାହାକି ମୁଁ ଆଜି ଗୃହରେ ମଧ୍ୟ ଉଠାଇଛି।