ଟ୍ରକ ଦୁର୍ଘଟଣାରେ ଜଣେ ମୃତ, ରାସ୍ତା ଅବରୋଧ କରିଛନ୍ତି ଗ୍ରାମବାସୀ

ନରସିଂହପୁର(ବଡ଼ ଖବର ବ୍ୟୁରୋ):ବଡମ୍ବା ନରସିଂହପୁର ମୁଖ୍ୟ ରାସ୍ତା ମାଣିଆବନ୍ଧ ଥାନା ଅଧିନ ଅଭିମାନପୁର ନିକଟରେ ରାସ୍ତା ଅବରୋଧ କରିଛନ୍ତି ଗ୍ରାମବାସୀ। ଗତକାଲି ବିଳମ୍ବିତ ରାତ୍ରିରେ ଏକ ସଡକ ଦୁର୍ଘଟଣା ଘଟିଥିଲା। ଯେଉଁଥିରେ ଗଣେଷ ପୂଜା ଭାଷାଣି ସମୟ ରେ ଡିଜେ ବଜାଇ ମୁଖ୍ୟ ରାସ୍ତା ଉପରେ ନାଚୁଥିବା ବେଳେ ଜଣେ ଯୁବକ ଙ୍କୁ ଚାପିଦେଇଥିଲା ଦଶ ଚକିଆ ଟ୍ରକ, ଯୁବକଙ୍କର ଘଟଣା ସ୍ଥଳରେ ମୃତ୍ୟୁ ଘଟିଛି । ମୃତ ଯୁବକ ହେଉଛନ୍ତି ଅଭିମାନପୁର ଗାଁର କାର୍ତିକ ଦେହୁରୀ ଙ୍କର ପୁଅ ୩୫ ବର୍ଷୀୟ ବାପି ଦେହୁରୀ।

ମାଣିଆବନ୍ଧ ଥାନା ପୋଲିସ ପହଂଚି ଅଧିକ ତଦନ୍ତ କରିବା ସହ ଦଶ ଚକିଆ ଟ୍ରକ ଓ ଡ୍ରାଇଭର ଙ୍କୁ ଅଟକ ରଖିଛି। ଏହି ଘଟଣା ରେ ଆଜି ସକାଳୁ ଆଠଗଡ଼ ନରସିଂହପୁର ୬୫ନମ୍ବର ରାଜ୍ୟ ରାଜପଥ ଅଭିମାନପୁର ଛକ ନିକଟରେ ପରିବାର ପକ୍ଷରୁ କ୍ଷତିପୂରଣ ଦାବି ରେ ରାସ୍ତା ଅବରୋଧ କରିଛନ୍ତି ଗ୍ରାମବାସୀ। ଯାହା ଫଳ ରେ ଆଠଗଡ଼ ନରସିଂହପୁର ରୁ ଯାତାୟାତ ବାଧାପ୍ରାପ୍ତ ହୋଇଛି। ଏପଟେ ମେଡିକାଲ ଶବ ବ୍ୟବଚ୍ଛେଦ ପାଇଁ ରହିଥିବା ବେଳେ ଦୁର୍ଘଟଣା ଘଟାଇଥିବା ଟ୍ରକ ଜବତ କରିଛି ମାଣିଆବନ୍ଧ ପୋଲିସ।