ଘାଇଲା କଲେ ସୂରଜ, ପିଠି ଥାପୁଡ଼ାଇଲେ ବବି

ବଡ଼ ଖବର(ଭୁବନେଶ୍ୱର ବ୍ୟୁରୋ): ପ୍ରାର୍ଥୀ ହେବାଠାରୁ ନେଇ ବିଜୟ ଯାଏଁ ଚର୍ଚ୍ଚାରେ ଧାମନଗରର ଯୁବ ବିଧାୟକ ତଥା ଦିବଂଗତ ନେତା ବିଷ୍ଣୁ ସେଠୀଙ୍କ ପୁଅ ସୂରଜ ସୂର୍ଯ୍ୟବଂଶୀ । ବିଧାନସଭାରେ ବି ସୂରଜଙ୍କ ପ୍ରଦର୍ଶନ ଦମଦାର ରହିଛି । ଆଜି ରାଜ୍ୟପାଳଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବରେ ରାଜ୍ୟ ସରକାରଙ୍କ କଡା ଟାର୍ଗେଟ କରିଛନ୍ତି ସୂରଜ । ତଥ୍ୟର ସହ ସରକାରଙ୍କ ବିଫଳତାକୁ ଗୋଟି ଗୋଟି କରି ଗଣାଇଥିଲେ । ଗୃହରେ ଜଣେ ନୂଆ ବିଧାୟକଙ୍କ ଦମଦାର ବକ୍ତବ୍ୟ ସମସ୍ତଙ୍କୁ ଅଭିଭୂତ କରିଥିଲା ।

ଏପରିକି ଶାସକ ଦଳ ସଦସ୍ୟମାନେ ବି ତାଙ୍କର ପ୍ରଶଂସା କରିଥିଲେ । ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ସୂରଜଙ୍କ ପିଠି ଥାପୁଡ଼େଇ ସାବାସୀ ଦେଉଥିବାର ଦେଖିବାକୁ ମିଳିଥିଲା । ପୂର୍ବରୁ ମଧ୍ୟ ନିଜ ପ୍ରଶ୍ନ ଜରିଆରେ ଚର୍ଚ୍ଚାରେ ଥିଲେ ସୂରଜ ।