ଭୁବନେଶ୍ୱର(ବଡ଼ ଖବର ବ୍ୟୁରୋ): ବିଧାନସଭାରେ ଆଲୋଚନା ହେଉ ଚାଷୀ ଆତ୍ମହତ୍ୟା ପ୍ରସଙ୍ଗ । ବୌଦ୍ଧ ଜିଲ୍ଲା ଚାଷୀ ଧରଣୀ ମେହେର ଧାନ ବିକି୍ର ନକରିପାରି ଆତ୍ମହତ୍ୟା କରିଛନ୍ତି । ଟୋକନ ଲାପ୍ସ ହୋଇଯିବାରୁ ୫୬ କ୍ୱିଇଣ୍ଟାଲ ଧାନ ମଣ୍ଡିରେ ବିକ୍ରି କରିପାରିଲେ ନାହିଁ । ରାଜ୍ୟ ସରକାର, ଅଫିସର ମୋ କଥା ଚିନ୍ତା କରୁନାହାନ୍ତି ମୁଁ ଆତ୍ମହତ୍ୟା କରୁଛି ବୋଲି ଚାଷୀ କହିଥିବା ତାରା ପ୍ରସାଦ ବାହିନୀପତି କହିଛନ୍ତି । ୬୦ ପ୍ରତିଶତ ଚାଷୀଙ୍କ ଟୋକନ କଟିଯାଇଛି ।
ଯେଉଁମାନେ ମଣ୍ଡିକୁ ଧାନ ଆଣୁଛନ୍ତି ବୌଦ୍ଧ ଭଳି କୋରାପୁଟ, ନବରଙ୍ଗପୁର ରାୟଗଡା ଏବଂ ମୁଖ୍ୟମନ୍ତ୍ରୀଙ୍କ ନିର୍ବାଚନ ମଣ୍ଡଳୀ ଗଞ୍ଜାମ ଜିଲ୍ଲାରେ ମଧ୍ୟ ଧାନ କିଣା ଯାଉନାହିଁ । ୧୩୦୦ ଶହ ଟଙ୍କାରେ ଚାଷୀ ଧାନ ବିକ୍ରି କରୁଛନ୍ତି । ଚାଷୀ ଆତ୍ମହତ୍ୟା ପ୍ରସଙ୍ଗ ବିଧାସଭାରେ ଆଲୋଚନା ହେଉ ଏବଂ ତଦନ୍ତ କରାଯାଇ ମୃତ ଚାଷୀଙ୍କ ପରିବାରକୁ ୨୦ ଲକ୍ଷ ଟଙ୍କା କ୍ଷତିପୂରଣ ଦେବାକୁ ଦାବି କରିଛନ୍ତି କଂଗ୍ରେସ ବିଧାୟକ ତାରାପ୍ରସାଦ ବାହିନୀପତି ।
