ଜଳ ଭିତ୍ତିଭୂମି ପାଇଁ ଖର୍ଚ୍ଚ ହେବ ୭୫ ହଜାର କୋଟି

ଭୁବନେଶ୍ୱର(ବଡ଼ ଖବର ବ୍ୟୁରୋ): ଜଳ ସେଚନର ଦ୍ରୁତ ବିକାଶକୁ ଗୁରୁତ୍ୱ ଦିଆଯାଇଛି । ସୁବର୍ଣ୍ଣରେଖା ଜଳ ସେଚନ ପ୍ରକଳ୍ପ ଦ୍ୱାରା ଗତଚ ଦୁଇ ବର୍ଷରେ ମୟୁରଭଞ୍ଜ ଓ ବାଲେଶ୍ନୱରରେ ଅତିରିକ୍ତ ୩୨ ହଜାର ହେକ୍ଟର ଜମିକୁ ଜଳ ସେଚନ ଯୋଗାଇ ଦିଆଯାଇଛି । ଚଳିତ ବର୍ଷ ଆଉ ୧୦ ହଜାର ହେକ୍ଟର ଜମିକୁ ମିଳିବ ସେଚନ । ଗଙ୍ଗାଧର ମେହେର ଉଠା ଜଳସେଚନ ପ୍ରକଳ୍ପକୁ ଦ୍ରୁତ ଗତିରେ କାର୍ୟ୍ୟକାରୀ କରାଯାଉଛି । ୨୫ ହଜାର ୬ଶହ ହେକ୍ଟର ଜମିକୁ ଖରିଫ ଋତୁରେ ପାଣି ଯୋଗାଇ ଦେବ ।ଗଞ୍ଜାମର ଘଟେକଶ୍ୱର ଡ୍ୟାମ, ଅନୁଗୋଳର ମଞ୍ଜୋର ସମ୍ପ୍ରସାରଣ ଓ ନୟାଗଡ଼ର କୁସୁମି ବ୍ୟାରେଜ ନିର୍ମାଣ କାମ ୨୦୨୩ରେ ଶେଷ ହେବ । ୩୦ ଜିଲ୍ଲାରେ ଆସନ୍ତା ଆର୍ଥିକ ବର୍ଷରେ ୨୦ଟି ପ୍ରକଳ୍ପ ନିର୍ମାଣ ହେବ । ଏଥିପାଇଁ ୮୫୪ କୋଟି ବରାଦ ହୋଇଛି ।

ପାର୍ବତିଗିରି ବୃହତ ଉଠା ଜଳସେଚନ ଯୋଜନାରେ ୨୦୮ଟି ପ୍ରକଳ୍ପ ସମ୍ପୂର୍ଣ୍ଣ ହୋଇଛି । ଦ୍ୱିତୀୟ ପର୍ୟ୍ୟାୟରେ ପାଞ୍ଚ ମଧ୍ୟରେ ୧୭୦ ଟି ପ୍ରକଳ୍ପ ହାତକୁ ନିଆଯାଇଛି । ଏଥିରେ ୧୦ ହଜାର୭୫୯ କୋଟି ଖର୍ଚ୍ଚ ହୋଇଥିଲାବେଳେ ଅତିରିକ୍ତ ୨ଲକ୍ଷ ୬୩ ହଜାର ହେକ୍ଟର ଜମିକୁ ମିଳିବ ଜଳ ।୨୦୨୫-୨୬ ସୁଦ୍ଧା ଅଧିକ ଏକ ଲକ୍ଷ ଗଭୀର ନଳକୂପ ସ୍ଥାପନ ପାଇଁ ୪ ହଜାର ୧୯୮ କୋଟି ଟଙ୍କା ମଞ୍ଜୁର ହୋଇଛି । ଆସନ୍ତା ଆର୍ଥିକ ବର୍ଷରେ ବିଜୁ କୃଷକ ବିକାଶ ଯୋଜନାରେ ଦେଢ ହଜାର ଗୋଷ୍ଠୀ ଗୋଷ୍ଠୀ ଉଠା ଜଳସେଚନ ପ୍ରକଳ୍ପ କାର୍ୟ୍କାରୀ କରିବାକୁ ୪ ଶହ କୋଟି ବରାଦ ହୋଇଛ । ରାଜ୍ୟରେ ବଢି ଚାଲିଥିବା ଆବଶ୍ୟକତାକୁ ପୂରଣ କରିବା ପାଇଁ ଜଳ ଭିତ୍ତିଭୂମି ସୃଷ୍ଟି କରାଯିବ । ଏଥିପାଇଁ ୭୫ ହଜାର କୋଟି ଟଙ୍କା ବିନିଯୋଗ କରିବ ।