ବାପାଙ୍କ ସ୍ୱପ୍ନ ପୂରଣ କରିବି: ଦୀପାଳି

ଭୁବନେଶ୍ୱର(ବଡ଼ ଖବର ବ୍ୟୁରୋ): ଝାରସୁଗୁଡ଼ାରୁ ନିର୍ବାଚନ ଲଢ଼ିବା ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି ଦୀପାଳି । ସେ କହିଛନ୍ତି, ମୁଖ୍ୟମନ୍ତ୍ରୀ ଯାହାକୁ ସମର୍ଥନ ଦେବେ, ଜନସାଧାରଣ ଯାହାକୁ ପସନ୍ଦ କରିବେ ସେ ମୋ ବାପାଙ୍କ ସ୍ଥାନ ନେବେ। ଆମେ ତାଙ୍କୁ ସମର୍ଥନ ଦେବୁ। ଦୀପାଳି ଏବେ ବିଭିନ୍ନ ସ୍ଥାନକୁ ଯାଇ ଲୋକଙ୍କ ସହିତ ମିଶୁଥିବା ବେଳେ ସେ ନିର୍ବାଚନ ପାଇଁ ପ୍ରସ୍ତୁତି କରୁଥିବା ଆଲୋଚନା ହେଉଛି। ଏ ପ୍ରସଙ୍ଗରେ ଦୀପାଳି କହିଛନ୍ତି ଯେ ତାଙ୍କ ବାପା ତାଙ୍କୁ ମାନବ ସେବା ହିଁ ସବୁଠୁ ବଡ଼ ସେବା ବୋଲି ଶିଖାଇଛନ୍ତି। ସେ ବହୁ ପୂର୍ବରୁ ଲୋକଙ୍କ ସେବା କରି ଆସୁଛନ୍ତି। ଆଗକୁ ବି ଏହା ଜାରି ରହିବ। ଏଥିରେ ରାଜନୀତିର କିଛି ସମ୍ପର୍କ ନାହିଁ ବୋଲି ସେ କହିଛନ୍ତି। ବାପାଙ୍କ ସ୍ୱପ୍ନ ପୂରଣ କରିବି ବୋଲି କହିଛନ୍ତି ।