କର୍ଣ୍ଣାଟକବାସୀ ଭାଜପାକୁ ଆଉ ବିଶ୍ୱାସ କରିବେ ନାହିଁ: ଡି.କେ ଶିବକୁମାର

କର୍ଣ୍ଣାଟକ (ବଡ଼ ଖବର ବ୍ୟୁରୋ): ଭାଜପାକୁ କର୍ଣ୍ଣାଟକ କଂଗ୍ରେସ ମୁଖ୍ୟ ଡି.କେ ଶିବକୁମାର ଟାର୍ଗେଟ୍‌। କହିଛନ୍ତି ବିଜେପି କେବଳ ମିଛ ବାଣ୍ଟିବା ଜାଣିଛି । ରାଜ୍ୟରେ ଶାସକ ଭାରତୀୟ ଜନତା ପାର୍ଟି (ଭାଜପା) ଉପରେ ବର୍ଷି ଭାଜପା ଲୋକମାନଙ୍କୁ କିପରି ମିଛ କହିବ ତାହା କେବଳ ଜାଣିଛି ବୋଲି ଶିବକୁମାର କହିଛନ୍ତି। କର୍ଣ୍ଣାଟକ କଂଗ୍ରେସ ସଭାପତି ଟୁଇଟର୍‌ରେ କହିଛନ୍ତି, ଲୋକଙ୍କ ମଧ୍ୟରେ ମିଛ ପ୍ରଚାର କରିବା ଏବଂ କୌଣସି ପ୍ରାମାଣିକତା ବିନା ଉଚ୍ଚ ଦାବି କରିବା ଭାଜପା କେବଳ ଜାଣିଛି।

ନିକଟରେ ଭାଜପା ବେଙ୍ଗାଲୁରୁରେ ଏକ ଆଇଫୋନ ଉତ୍ପାଦନ ୟୁନିଟ ଖୋଲି ଏକ ଲକ୍ଷ ଚାକିରି ସୃଷ୍ଟି କରିବାର କଥା ଦେଇଥିଲା, ଯାହା ମିଥ୍ୟା ପ୍ରମାଣିତ ହୋଇସାରିଛି। କର୍ଣ୍ଣାଟକବାସୀ ଭାଜପାକୁ ଆଉ ବିଶ୍ୱାସ କରିବେ ନାହିଁ। ସୂଚନାଯୋଗ୍ୟ, କର୍ଣ୍ଣାଟକରେ ବିଧାନସଭା ନିର୍ବାଚନକୁ ନେଇ ରାଜନୀତି ସରଗରମ ହୋଇଛି। ବିଭିନ୍ନ ଦଳ ପକ୍ଷରୁ ଏବେ ଲୋକଙ୍କୁ ବିଭିନ୍ନ ପ୍ରତିଶ୍ରୁତି ଦେଉଛନ୍ତି।