ଚିନ୍ମୟୀ ସାହୁ ମୃତ୍ୟୁ ଘଟଣା , ଆସିଲା ପୋଷ୍ଟମର୍ଟମ ରିପୋର୍ଟ
ଭୁବନେଶ୍ୱର (ବଡ଼ ଖବର ବ୍ୟୁରୋ): ଭିସୁଟର ପୂର୍ବତନ ଛାତ୍ରୀ ଚିନ୍ମୟୀ ସାହୁ ମୃତ୍ୟୁ ଘଟଣା । ପାଣିରେ ବୁଡ଼ି ପ୍ରାଣ ହରାଇଥିବା ଭିମସାର୍ ପକ୍ଷରୁ ପୁଲିସକୁ ହସ୍ତାନ୍ତର କରାଯାଇଥିବା ପୋଷ୍ଟମର୍ଟମ ରିପୋର୍ଟରେ ଏହା ଉଲ୍ଲେଖ ରହିଛି। ଏହା ଆତ୍ମହତ୍ୟା ନା ହତ୍ୟା ଜଣାପଡ଼ିନାହିଁ । ପୋଲିସ ତଦନ୍ତ ଜାରି ରଖିଛି ବୋଲି କହିଛନ୍ତି ସମ୍ବଲପୁର ଏସପି ବି.ଗଙ୍ଗାଧର।
ସେ କହିଛନ୍ତି, ସୋମବାର ତଥା ଆଜି ଲାଇ ଡିଟେକ୍ସନ ଟେଷ୍ଟ ରିପୋର୍ଟ ଆସିଯିବ। ଏହି ରିପୋର୍ଟ ଦେଖିଲା ପରେ ଚିନ୍ମୟୀଙ୍କ ପୁରୁଷ ବନ୍ଧୁ ପ୍ରୀତିମାନ ଦେ ଏବଂ ସାଥୀଙ୍କର ନାର୍କୋ ଟେଷ୍ଟ କରାଯିବ ନା ନାହିଁ, ନିଷ୍ପତ୍ତି ନିଆଯିବ। ତେବେ ଚିନ୍ମୟୀଙ୍କ ବେକରେ ଥିବା ଦାଗ ତଣ୍ଟିଚିପି ମରାଯାଇଥିବାର ଚିହ୍ନ ନୁହେଁ ବୋଲି ସମ୍ବଲପୁର ଏସପି ସ୍ପଷ୍ଟ କରିଛନ୍ତି। ଏହା ସହ ଘଟଣା ଦିନ ଚିନ୍ମୟୀ ପିନ୍ଧିଥିବା ସୁନା ଚେନ ସଂପର୍କରେ ଖୋଳତାଡ଼ କରାଯାଉଥିବା ଏସପି କହିଛନ୍ତି।
