ମୋତେ ଜେଲରେ ହତ୍ୟା କରିବେ: ଇମ୍ରାନ ଖାନ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ):  ମାର୍ଚ୍ଚ ୧୮ ରେ କୋର୍ଟରେ ହାଜର ହେବେ ଇମରାନ ଖାନ । ତୋସାଖାନା ମାମଲାରେ ପିକସ୍ତାନ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ ମାର୍ଚ୍ଚ ୧୮ ତାରିଖରେ ଲାହୋର କୋର୍ଟରେ ହାଜର ହେବେ ବୋଲି ଲାହୋର ହାଇକୋର୍ଟ ବାର୍ ଅଧ୍ୟକ୍ଷଙ୍କୁ ଲେଖିଥିବା ଚିଠିରେ ପ୍ରତିଶ୍ରୁତି ଦେଇଛନ୍ତି । ଇମ୍ରାନ ଖାନ କହିଛନ୍ତି ଯେ ଇସଲାମାବାଦ ପୋଲିସର ପ୍ରକୃତ ଉଦ୍ଦେଶ୍ୟ ତାଙ୍କୁ ଗିରଫ କରିବା ନୁହେଁ ବରଂ ତାଙ୍କୁ ଅପହରଣ ଓ ହତ୍ୟା କରିବା ଚାହୁଁଛି। ଖାନଙ୍କ ଅଭିଯୋଗ ଲାହୋରରେ ଥିବା ଜମାନ ପାର୍କ ନିବାସକୁ ରାତିସାରା ଅବରୋଧ କରିବା ପରେ ଖାନଙ୍କ ସମର୍ଥକ ଏବଂ ତାଙ୍କୁ ଗିରଫ କରିବା ପାଇଁ ଆସିଥିବା ପୋଲିସ ମଧ୍ୟରେ ସଂଘର୍ଷ ହୋଇଥିଲା ।

ବନ୍ଧୁକରୁ ଖାଲି କାର୍ଟ୍ରିଜ୍ର ଚିତ୍ର ସୋସିଆଲ ମିଡିଆରେ ଭାଇରାଲ ହୋଇଛି। ଇସଲାମାବାଦ, ପେଶୱାର, କରାଚି ଏବଂ ରାୱଲପିଣ୍ଡି ସମେତ ପାକିସ୍ତାନର ପ୍ରମୁଖ ସହରରେ ବିରୋଧ ପ୍ରଦର୍ଶନ ଚାଲିଛି । ଏହି ସମୟରେ ଇସଲାମାବାଦର ଡେପୁଟି ଇନ୍ସପେକ୍ଟର ଜେନେରାଲ୍ ଶାହାଜାଦ ବୁଖାରୀ କହିଛନ୍ତି ଯେ ଇମ୍ରାନ ଖାନଙ୍କ ଗିରଫ ପରୱାନା ବିଚାରାଧୀନ ଅଛି। ଗତକାଲି ତୋସାଖାନା ମାମଲାର ଶୁଣାଣିରେ ଅନୁପସ୍ଥିତ ରହିବା ପରେ ଇସଲାମାବାଦର ଏକ ଜିଲ୍ଲା ଏବଂ ଅଧିବେଶନ କୋର୍ଟ ପୁନର୍ବାର ଗିରଫ ୱାରେଣ୍ଟ ଜାରି କରିଛନ୍ତି।