ପୁଣି ବିବାଦରେ କଙ୍ଗନା

ମୁମ୍ବାଇ,(ବଡ଼ ଖବର ବ୍ୟୁରୋ); ବିବାଦ ବଲିଉଡ ଅଭିନେତ୍ରୀ କଙ୍ଗନା ରଣାୱତଙ୍କ ପିଚ୍ଛା ଛାଡୁନି । ମୁମ୍ବାଇକୁ ପାକ୍ ଅଧିକୃତ କାଶ୍ମୀର ବୋଲି ଟ୍ୱିଟ୍ କରି ଶିବସେନାର ଚକ୍ଷୁଶୂଳ ହୋଇଥିଲେ । ଏବେ କୃଷି ବିଲ ସମ୍ପର୍କରେ ଟୁଇଟ କରିବା ତାଙ୍କୁ ମହଙ୍ଗା ପଡ଼ିଛି । କଙ୍ଗନାଙ୍କ ବିରୁଦ୍ଧରେ ମାମଲା ରୁଜୁ କରିବା ପାଇଁ କର୍ଣ୍ଣାଟକ ଟୁମକୁର ଜିଲ୍ଲା ଜେଏମଏଫସି କୋର୍ଟ ନିର୍ଦ୍ଦେଶ ଦେଇଛନ୍ତି ।

କୃଷିବିଲକୁ ନେଇ କଙ୍ଗନା ସେପ୍ଟେମ୍ବର ୨୧ତାରିଖରେ ଏକ ଟୁଇଟ କରିଥିଲେ । ଯେଉଁଥିରେ ଲେଖିଥିଲେ କି “ଯେଉଁମାନେ ସିଏଏକୁ ବିରୋଧ କରି ଦେଶରେ ବିଭ୍ରାନ୍ତିକର ତଥ୍ୟ ପ୍ରଚାର କରୁଥିଲେ । ଏବେ ସେମାନେ ହିଁ କୃଷିବିଲକୁ ନେଇ ଦେଶରେ ମିଥ୍ୟା ତଥ୍ୟ ପ୍ରଚାର କରୁଛନ୍ତି । ଏମାନଙ୍କ ପାଇଁ ଦେଶରେ ଦଙ୍ଗା ପରିସ୍ଥିତି ସୃଷ୍ଟି ହେଉଛି । ଏମାନଙ୍କୁ ଆତଙ୍କବାଦୀ ବୋଲି କହି ଆକ୍ଷେପ କରିଥିଲେ କଙ୍ଗନା । ଯାହାକୁ ନେଇ କର୍ଣ୍ଣାଟକର ଜଣେ ଆଇନଜିବୀ ରାମେଶ ନାଇକ୍ ଲିଖିତ ଅଭିଯୋଗ କରିବା ପରେ କ୍ୟଥାସାନ୍ଦ୍ରା ଥାନା ଅଧିକାରୀଙ୍କୁ ମାମଲା ରୁଜୁ କରିବା ପାଇଁ ନିର୍ଦ୍ଦେଶ ଦେଇଛନ୍ତି ଜେଏମଏଫସି କୋର୍ଟ ।