“ ଭାରତର ସ୍ବର ପାଇଁ ମୁଁ ଯେକୌଣସି ମୂଲ୍ୟ ଦେବାକୁ ପ୍ରସ୍ତୁତ ” : ରାହୁଲ ଗାନ୍ଧୀ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କଂଗ୍ରେସ ନେତା ରାହୁଲ ଗାନ୍ଧୀଙ୍କ ସଦସ୍ୟତାକୁ ରର୍ଦ୍ଦ କରିଛି ଲୋକସଭା । ଯାହାକୁ ନେଇ ସରଗରମ ହୋଇଛି ଜାତୀୟ ରାଜନୀତି । ତେବେ ଏହି ନିଷ୍ପତ୍ତି ପରେ ରାହୁଲ ଗାନ୍ଧୀଙ୍କର ଏକ ଭାବପୂର୍ଣ୍ଣ ଟୁଇଟ୍ ସାମ୍ନାକୁ ଆସିଛି । ରାହୁଲ ଟୁଇଟ କରି ଲେଖିଛନ୍ତି “ମୁଁ ଭାରତର ସ୍ୱର ପାଇଁ ଲଢ଼େଇ କରୁଛି । ଏ ଲଢ଼େଇ ପାଇଁ ମୁଁ ଯେକୌଣସି ମୂଲ୍ୟ ଦେବାକୁ ପ୍ରସ୍ତୁତ ।
मैं भारत की आवाज़ के लिए लड़ रहा हूं।
मैं हर कीमत चुकाने को तैयार हूं।
— Rahul Gandhi (@RahulGandhi) March 24, 2023
ସୂଚନା ଥାଉ କି ଗୁରୁବାର ସୁରଟ କୋର୍ଟ ୨୦୧୯ ମସିହାରେ ‘ମୋଦୀ ଉପନାମ’ ସମ୍ବନ୍ଧରେ ଦିଆଯାଇଥିବା ବିବୃତ୍ତି ଉପରେ ହୋଇଥିବା ମାନହାନି ମାମଲାରେ ୨ ବର୍ଷ ଜେଲ ଦଣ୍ଡାଦେଶ ଦେଇଥିଲେ । ପରେ କୋର୍ଟ ଜାମିନ ପ୍ରଦାନ କରିବା ସହିତ ଦଣ୍ଡର ନିଷ୍ପତ୍ତିକୁ ୩୦ ଦିନ ପର୍ଯ୍ୟନ୍ତ ସ୍ଥଗିତ ରଖିଥିଲେ । କିନ୍ତୁ କୋର୍ଟଙ୍କ ରାୟ ଆସିବା ପରେ ଆଜି ଲୋକସଭା ସଚିବାଳୟ ରାହୁଲ ଗାନ୍ଧୀଙ୍କ ସଦସ୍ୟତା ବାତିଲ କରିବାକୁ ବିଜ୍ଞପ୍ତି ଜାରି କରିଛି। ଲୋକସଭା ସଚିବାଳୟ ଦ୍ବାରା ଜାରି ବିଜ୍ଞପ୍ତିରେ କୁହାଯାଇଛି ଯେ ମାର୍ଚ୍ଚ ୨୩ ରୁ ତାଙ୍କର ଅଯୋଗ୍ୟତା ଆଦେଶ କା୍କାର୍ଯ୍ୟକାରୀ ହେବ। ଏହି ନିଷ୍ପତ୍ତି ଉପରେ କଂଗ୍ରେସ ତୀବ୍ର ପ୍ରତିକ୍ରିୟା ପ୍ରକାଶ କରି କହିଛି ଯେ ଆଇନଗତ ଏବଂ ରାଜନୈତିକ ଯୁଦ୍ଧ ଜାରି ରହିବ। ଏହା ସହିତ ଦଳ ଆନ୍ଦୋଳନ ପାଇଁ ଚେତାବନୀ ମଧ୍ୟ ଦେଇଛି । ତେବେ ଏହି ସମୟରେ ସମସ୍ତ ବିରୋଧୀ ଦଳ ରାହୁଲ ଗାନ୍ଧିଙ୍କୁ ସମର୍ଥନ କରିବା ସହିତ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି ।
