ଅଯୋଧ୍ୟା ରାମ ମନ୍ଦିର ପାଇଁ ରୁପାଇଟା ଦାନ କଲେ କିନ୍ନର ସମାଜ

କଟକ(ବଡ଼ ଖବର ବ୍ୟୁରୋ): ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ରୁପାଇଟା ଦେଇ ସହଯୋଗର ହାତ ବଢ଼େଇଲେ କିନ୍ନର ସମାଜ । ଅଯୋଧ୍ୟାର ଶ୍ରୀରାମଙ୍କ ମନ୍ଦିର ନିର୍ମାଣ କାର୍ଯ୍ୟ ଜାରି ରହିଛି । ଏହି ପରିପ୍ରେକ୍ଷୀରେ ଅଲ୍ ଓଡ଼ିଶା କିନ୍ନର ସମାଜ ପକ୍ଷରୁ ଏକ ରୁପାଇଟା ପ୍ରଭୁ ଶ୍ରୀରାମଙ୍କ ମନ୍ଦିରରେ ସମର୍ପଣ କରାଯିବ । ସମଗ୍ର ଓଡ଼ିଶାର କଲ୍ୟାଣ ଉଦେ୍ଦଶ୍ୟରେ ଏହି ରୁପାଇଟା ପ୍ରଦାନ କରାଯିବ ବୋଲି ଅଲ୍ ଓଡ଼ିଶା କିନ୍ନର ସମାଜର ମୁଖ୍ୟ କହିଛନ୍ତି । ତେବେ ଆଜି ଭଦ୍ରକ, ଯାଜପୁର, ପୁରୀ, ଭୂବନେଶ୍ୱର, ବାଲେଶ୍ୱର,ବ୍ରହ୍ମପୁରର ଶତାଧିକ କିନ୍ନର ମାନେ ଏକାଠି ହୋଇ କଟକରେ ଏକ ବିଶାଳ ଶୋଭାଯାତ୍ରା କରିଥିଲେ ।