ମନ୍ଦିର ଛାତ ଭୁଷୁଡ଼ିବା ଘଟଣା, ମୃତ୍ୟୁ ସଂଖ୍ୟା ୩୫ କୁ ବୃଦ୍ଧି
ଇନ୍ଦୋର(ବଡ଼ ଖବର ବ୍ୟୁରୋ): ଇନ୍ଦୋରରେ ମନ୍ଦିର କୂଅ ଭୁଷୁଡ଼ିବା ଘଟଣା । ମୃତ୍ୟୁ ସଂଖ୍ୟା ୩୫କୁ ବୃଦ୍ଧି ପାଇଛି । ୩୦ ରୁ ଅଧିକ ଶ୍ରଦ୍ଧାଳୁ ଆହତ ହୋଇଛନ୍ତି । ଏବେବି ଜଣେ ନିଖୋଜ ରହିଛନ୍ତି । ଆହୁରି କିଛି ଲୋକ ମାଟି ତଳର ଚାପି ହୋଇ ରହିଥିବା ଅନୁମାନ କରାଯାଉଛି । ସୂଚନା ଅନୁସାରେ , ମଧ୍ୟପ୍ରଦେଶର ଇନ୍ଦୋରରେ ପବିତ୍ର ରାମ ନବମୀରେ ଶ୍ରୀ ବେଲେଶ୍ୱର ମହାଦେବ ଜୁଲେଲାଲ ମନ୍ଦିରରେ ଥିବା କୂଅ ଛାତ ଭୁଶୁଡ଼ି ପଡ଼ିଥିଲା । କିଛି ଶ୍ରଦ୍ଧାଳୁ ଏଥିରେ ଖସି ପଡ଼ିଥିଲେ । ମନ୍ଦିରରେ ଥିବା କୂଅ ଉପରେ ମାତ୍ରାଧିକ ଶ୍ରଦ୍ଧାଳୁ ଛିଡ଼ା ହୋଇ ଶ୍ରୀରାମଙ୍କ ଦର୍ଶନ କରୁଥିବା ସମୟରେ ଛାତ ଭୁଷୁଡ଼ି ପଡ଼ିଥିଲା । ଆହତଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି ।