ମାତିଲେ ଲୁଟେରା, ଲୁଟିଲେ ୨୭ ଲକ୍ଷ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଭୁବନେଶ୍ୱରରେ ପୁଣି ସକ୍ରିୟ ହୋଇଉଠିଛନ୍ତି ଲୁଟେରା । ପଟିଆ ଷ୍ଟେସନ୍ ରୋଡରେ ଥିବା ପଞ୍ଜାବ ନ୍ୟାସନାଲ ବ୍ୟାଙ୍କ ଏଟିଏମରୁ ଶନିବାର ଲାତିରେ ବଡ଼ ଧରଣର ଲୁଟ୍ ହୋଇଛି । ଦୁର୍ବୃତ୍ତମାନେ ଗ୍ୟାସ କଟରରେ ଏଟିଏମ୍ କାଟି ୨୭ ଲକ୍ଷ ଟଙ୍କା ଟଙ୍କା ଲୁଟିନେଇଛନ୍ତି । ଆଜି ପ୍ରତ୍ୟୁଷରେ ଲୁଟର ସୁରାକ୍ ପାଇ ବ୍ୟାଙ୍କ କର୍ତ୍ତୃପକ୍ଷ ଇଫୋସିଟି ଥାନାରେ ଏତଲା ଦେଇଥିଲେ । ପୋଲିସ ସାଇଣ୍ଟିଫିକ୍ ଟିମ୍ ସହାୟତାରେ ତଦନ୍ତ ଜୋରଦାର କରିଛି । ଏଟିଏମରେ ଲାଗିଥିବା ଗୁପ୍ତ କ୍ୟାମେରା ଏବେ ପୋଲିସ ପାଇଁ ଏକମାତ୍ର ସାହାରା । ପୂର୍ବରୁ ନୟାଗଡ଼ର ଜଣେ ଯୁବକ ରାଜଧାନୀର ଦୁଇଟି ବ୍ୟାଙ୍କରୁ ଟଙ୍କା ଲୁଟିନେଇ ପୋଲିସ ହାତରେ ଧରାପଡିଥିଲା ।