ସାଲେପୁର (ବଡ଼ ଖବର ବ୍ୟୁରୋ): ସ୍ୱାର୍ଥପର ଦୁନିଆରେ କେହି କାହାର ନୁହନ୍ତି । ମଣିଷ ମଣିଷକୁ ଚିହ୍ନି ପାରୁନି । କିନ୍ତୁ ଆଜିବି ଏମିତି କିଛି ବ୍ୟକ୍ତି ଅଛନ୍ତି, ଯେଉଁମାନେ କି ସମସ୍ତଙ୍କ ସେବା କରିବାରେ ନିଜକୁ ସମର୍ପଣ କରିଦେଇଛନ୍ତି । ସେମାନଙ୍କ ମଧ୍ୟରୁ କଟକ ଜିଲ୍ଲା ସାଲେପୁର ଅଞ୍ଚଳର ଯୁବ ସମାଜସେବୀ ମିହିର ଦାସ ଜଣେ । ସେ ସ୍ଥାନୀୟ ଅଞ୍ଚଳରେ ଜଣେ ଯୁବ ସମାଜସେବୀ ଭାବେ ପରିଚିତ । ସାଲେପୁର ମୁଖ୍ୟ ରାସ୍ତା ଉପରେ ପଡିରହିଥିଲା ୨ଟି ଷଣ୍ଢର ମୃତଦେହ । ସ୍ଥାନୀୟ ଅଞ୍ଚଳର ଲୋକେ ଦେଖୁଥିଲେ ସୁଦ୍ଧା ଅଣଦେଖା କରି ଚାଲିଯାଉଥିଲେ । ମିହିର ଦେଖାଇଲେ ମାନବିକତା । ମୃତ ଷଣ୍ଢଦୁଇଟିକୁ ଉଦ୍ଧାର କରି ସାଙ୍ଗଙ୍କ ସହଯୋଗରେ ନଦୀବନ୍ଧ ପାଖରେ ଗାତ ଖୋଳି ପୋତିଥିଲେ । କିଛିଦିନ ପୂର୍ବରୁ ମଧ୍ୟ ଦୁର୍ଘଟଣାଗ୍ରସ୍ତ ଏକ ଷଣ୍ଢକୁ ଉଦ୍ଧାର କରି ବର୍ତ୍ତମାନ ଚିକିତ୍ସା କରୁଛନ୍ତି । ମିହିରଙ୍କ ଏଭଳି କାର୍ଯ୍ୟକୁ ସାଧାରଣରେ ପ୍ରଶଂସା କରାଯାଉଛି ।
