ଅନୁଗୁଳ (ବଡ଼ ଖବର ବ୍ୟୁରୋ): ଗୋପବନ୍ଧୁ ପାର୍କରେ ସ୍ୱାଧୀନତା ସଂଗ୍ରାମୀ ତଥା ପୂର୍ବତନ ମୁଖ୍ୟମନ୍ତ୍ରୀ ନବକୃଷ୍ଣ ଚୌଧୁରୀଙ୍କ ତୃଟିପୁର୍ଣ ପ୍ରତିମୂର୍ତ୍ତି କୁ ନେଇ ବିବାଦ ତେଜିବାରେ ଲାଗିଛି । ଅନଗୁଳ ପ୍ରଶାସନ ଗୋଟିଏ ଭୁଲକୁ ଲୁଚାଇବାକୁ ଯାଇ ଏକାଧିକ ଭୁଲ କରିଚାଲିଛି । ଚାରିଆଡୁ ନିନ୍ଦା ଓ ସମାଲୋଚନା ପରେ ପୌରପାଳିକା ପୋଷାକ ପରିଧାନରେ ପରିବର୍ତ୍ତନ କରିଥିଲା ।
ଦୋଷ ଘୋଡାଇବାକୁ ଯାଇ ନବବାବୁଙ୍କ ପ୍ରତିମୂର୍ତ୍ତିରେ ପ୍ୟାଣ୍ଟ ଉପରେ ଧୋତି ପିନ୍ଧାଇ ଥିବାବେଳେ ଧୋତି ପିନ୍ଧା ଶୈଳୀ ପ୍ରତିମୂର୍ତ୍ତିକୁ ଅଧିକ ବିକୃତ କରୁଥିବା ଅଭିଯୋଗ ହୋଇଛି । ପ୍ରତିମୂର୍ତ୍ତିରେ ପାଦ ଯାଏଁ ଧୋତି ପିନ୍ଧାକୁ ନେଇ ନୂଆ ବିବାଦ ସୃଷ୍ଟି ହୋଇଛି । ଓଡ଼ିଶାରେ ଏମିତି ଶୈଳୀରେ କିଏ ଧୋତି ପିନ୍ଧେ ବୋଲି ନବକୃଷ୍ଣ ଚୌଧୁରୀଙ୍କ ଝିଅ କୃଷ୍ଣା ମହାନ୍ତି ପ୍ରଶ୍ନ କରିଛନ୍ତି । ନବବାବୁଙ୍କ ପ୍ରତିମୂର୍ତ୍ତିକୁ ଏବେ ନାଗପୁରିଆ ଶୈଳୀରେ ପାଦ ଯାଏଁ ଧୋତି ପିନ୍ଧାଇ ଦିଆ ଯାଇଥିବା ସେ ଅଭିଯୋଗ କରିଛନ୍ତି ।
