ବାଲେଶ୍ୱର(ବଡ଼ ଖବର ବ୍ୟୁରୋ): ସ୍ୱାମୀ-ସ୍ତ୍ରୀ ଗଣ୍ଡଗୋଳର ସମାଧାନ କରିବାକୁ ଯାଇ ପୋଲିସ ଖାଇଲା ମାଡ଼ । ଗୋଡ଼ାଇ ଗୋଡ଼ାଇ କାଠ ଫାଳିଆରେ ପୋଲିସକୁ ସାଙ୍ଘାତିକ ମାଡ଼ ମରାଯାଇଛି । କନଷ୍ଟେବଳ ମେଡିକାଲରେ ଭର୍ତ୍ତି । ଏଭଳି ଘଟଣା ଘଟିଛିୁ ବାଲେଶ୍ୱର ଜିଲ୍ଲା ସର୍ଥା ଗାଁରେ । ସୂଚନା ଅନୁସାରେ, ସର୍ଥା ଗ୍ରାମର ବୈର ଦଳେଇଙ୍କ ସ୍ୱାମୀ ସ୍ତ୍ରୀ ଗଣ୍ଡଗୋଳ ଲାଗିଥିବା ବେଳେ ସମାଧାନ ପାଇଁ ଘଟଣା ସ୍ଥଳରେ ପହଞ୍ଚିଥିଲେ ସାର୍ଥା ଫାଣ୍ଡିର ଦୁଇ କନେଷ୍ଟବଳ ।
ନିଜ ସ୍ତ୍ରୀକୁ ଠେଙ୍ଗା ଓ କାଠ ଫାଳିଆରେ ମାଡ଼ ମାରୁଥିବା ସ୍ୱାମୀ ପୋଲିସକୁ ମାଡ଼ ମାରିଥିଲା । କନେଷ୍ଟବଳ ଅଜୟ ସିଂ ମୁଣ୍ତ ଫାଟିବାପରେ ଘଟଣା ସ୍ଥଳରେ ଚେତାଶୂନ୍ୟ ହୋଇପଡ଼ିଥିଲେ । ଅଜୟ ସିଂଙ୍କୁ ବାଲେଶ୍ୱରଙ୍କୁ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ସିଂଲା ପୋଲିସ ଆକ୍ରମଣ କାରୀ ଦୁଇ ଭାଇଙ୍କୁ ଥାନାରେ ଅଟକ ରଖି ତଦନ୍ତ କରୁଛି ।
