ଯୁବକକୁ ପିଟିପିଟି ହତ୍ୟା, ୮ ଗିରଫ

ହରିଚନ୍ଦନପୁର (ବଡ଼ ଖବର ବ୍ୟୁରୋ):  ଯୁବକକୁ ପିଟିପିଟି ହତ୍ୟା । ଏଭଳି ଅଭାବନୀୟ ଘଟଣା ଘଟିଛି କେନ୍ଦୁଝର ଜିଲ୍ଲା ଘଟଗାଁ ଥାନା ଧାଙ୍ଗଡଡିହା ଗ୍ରାମରେ । ପୋଖରୀ ନିକଟରେ ଜଣେ ଯୁବକକୁ ପିଟିପିଟି ହତ୍ୟା କରାଯାଇଛି। ମୃତ ଯୁବକ ହେଲେ କେନ୍ଦୁଝର ସହର ଗହ୍ମାରିଆ ଗ୍ରାମର କୁଞ୍ଜ ବାହାଦୁର ଲମା । ବାହାଦୁର କଟକରୁ କେନ୍ଦୁଝର ଆସୁଥିବାବେଳେ ଭୋରରୁ ଘଟଗାଁରେ ଓହ୍ଲାଇ ପଡ଼ିଥିଲେ । ପରେ ଧାଙ୍ଗଡଡିହା ଗ୍ରାମର ଜଣେ ବ୍ୟକ୍ତି ଘରେ ପଶିଥିଲେ । ତେବେ କୌଣସି କାରଣକୁ ନେଇ ଧାଙ୍ଗଡଡିହା ଗ୍ରାମର ପୋଖରୀ ନିକଟରେ କିଛି ଲୋକ ତାଙ୍କୁ ସଙ୍ଗବଦ୍ଧ ଭାବେ ପିଟିପିଟି ହତ୍ୟା କରିଥିଲେ। ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ୮ ଜଣଙ୍କୁ ଗିରଫ କରିଛି ।