ମୋଦିଙ୍କ ଡିଗ୍ରୀ ବିବାଦ: ଅରବିନ୍ଦ କେଜ୍ରିୱାଲଙ୍କୁ ସମନ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ମୋଦିଙ୍କ ଡିଗ୍ରୀକୁ ନେଇ ପ୍ରଶ୍ନ କରିବାରୁ ମିଳିଲା ସମନ । ଆପର ବଡ଼ ନେତାଙ୍କୁ ସମନ କରାଯାଇଛି । ଅହମ୍ମଦାବାଦର ଏକ ଅଦାଲତ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏବଂ ଆମ ଆଦମୀ ପାର୍ଟିର ରାଜ୍ୟସଭା ସାଂସଦ ସଞ୍ଜୟ ସିଂଙ୍କୁ ଏକ ଅପରାଧିକ ମାମଲାରେ ସମନ ଜାରି କରାଯାଇଛି । ପ୍ରଧାନମନ୍ତ୍ରୀଙ୍କ ଡିଗ୍ରୀ ବିବାଦକୁ ନେଇ ଗୁଜୁରାଟ ବିଶ୍ୱବିଦ୍ୟାଳୟ ବିରୋଧରେ କଟାକ୍ଷପୂର୍ଣ୍ଣ ବକ୍ତବ୍ୟ ଦେଇଥିଲେ ଏହି ୨ ନେତା ।

ଯାହାକୁନେଇ ବିଶ୍ୱବିଦ୍ୟାଳୟ ଅଦାଲତରେ ଅଭିଯୋଗ କରିଛି । ଅହମ୍ମଦାବାଦର ଅତିରିକ୍ତ ମୁଖ୍ୟ ମେଟ୍ରୋ ପଲିଟାନ ମାଜଷ୍ଟ୍ରେଟ ଜୟସଭାଇ ୨ ଆପ ନେତାଙ୍କୁ ନୋଟିସ ଜାରି କରିଛି । ମେ ୨୩ରେ ହାଜର ହେବାକୁ ନିଦେ୍ର୍ଦଶ ଦିଆଯାଇଛି । ଆଇପିସି ଧାରା ୫୦୦ ଅଧିନରେ ମାନହାନୀର ମାମଲା ରୁଜୁ କରାଯାଇଛି । ଗୁଜୁରାଟ ବିଶ୍ୱବିଦ୍ୟାଳୟର ରେଜିଷ୍ଟାର ପିୟୁଷ ପଟେଲ ଏହି ମାନହାନୀ ମାମଲା ରୁଜୁ କରିଛନ୍ତି ।