ଲୋଇସିଂହାରେ ବିଜେଡିର କରୋନା ସଚେତନତା କାର୍ଯ୍ୟକ୍ରମ

ଲୋଇସିଂହା, (ବଡ଼ ଖବର ବ୍ୟୁରୋ): ବିଜୁ ଜନତା ଦଳ ରାଜ୍ୟ ସଭାପତି ତଥା ମୁଖ୍ୟମନ୍ତ୍ରୀ ନଵୀନ ପଟ୍ଟନାୟକଙ୍କ ଆହ୍ୱାନ କ୍ରମେ ଅକ୍ଟୋବର ୨ ରୁ ନଭେମ୍ବର ୨ ପର୍ୟ୍ୟନ୍ତ ରାଜ୍ୟବ୍ୟାପୀ କରୋନା ସଚେତନତା କାର୍ଯ୍ୟକ୍ରମ ଆରମ୍ଭ ହୋଇଯାଇଛି । ସେହିପରି ବଲାଙ୍ଗିର ଜିଲ୍ଲା ଲୋଇସିଂହା ବ୍ଲକ ବିଜେଡ଼ି ପକ୍ଷରୁ ଆରମ୍ଭ ହୋଇଯାଇଛି କରୋନା ସଚେତନତା କାର୍ଯ୍ୟକ୍ରମ । ମହାମାରୀକୁ ନେଇ ଚାଲିଥିବା ଜନସଚେତନତା ଅଭିଯାନରେ ବିଜୁ ଜନତା ଦଳ ତରଫରୁ ରାଜ୍ୟ ପରିଷଦ ସଦସ୍ୟ ତଥା ଲୋଇସିଂହା ନିର୍ବାଚନ ମଣ୍ଡଳୀର ଯୁବନେତା ନିହାର ରଞ୍ଜନ ବେହେରାଙ୍କ ନେତୃତ୍ୱରେ ବ୍ଲକ ଅନ୍ତର୍ଗତ ସରଗାଡ଼, କୁସମେଲ, ଓ କୁଟେନପାଲି ପଞ୍ଚାୟତର ବିଭିନ୍ନ ଗ୍ରାମରେ ଜନ ସଚେତନତା ସହିତ ମାସ୍କ ବଣ୍ଟନ କରାଯାଇଥିଲା।

ସମସ୍ତେ ମାସ୍କ ବ୍ୟବହାର କରିବା ସହିତ ସାମାଜିକ ଦୂରତ୍ୱ ରକ୍ଷା କରି ସର୍ବଦା ହାତକୁ ସଫା ରଖିବା ଦିଗରେ ସଚେତନ ମଧ୍ୟ କରିଥିଲେ । ଏଥିରେ କୁଶମେଲ ପଞ୍ଚାୟତର ସମିତି ସଭ୍ୟ ଜୋସ୍ନାମୟୀ ନାଗ, ଅଂଶୁମାନ ଗୁରୁ, ସମ୍ପଦ ବାଗ, ଅଙ୍ଗଦ ବାଗ, ବିକ୍ରମ ନନ୍ଦ ପ୍ରସନ୍ନ ନାଗ ପ୍ରମୁଖଙ୍କ ସମେତ ବିଜୁ ଜନତା ଦଳ ର କର୍ମୀମାନେ ସହଯୋଗ କରିଥିଲେ ।