କେନ୍ଦ୍ରାପଡ଼ା (ବଡ଼ ଖବର ବ୍ୟୁରୋ): ଜାଲ ସାର୍ଟିଫିକେଟ ଦେଇ ଚାକିରି କରିଥିବା ତିନି ପୋଷ୍ଟମାଷ୍ଟର ନିଲମ୍ବିତ । ଡାକ ବିଭାଗରେ ଜାଲ ଶିକ୍ଷାଗତ ପ୍ରମାଣପତ୍ର ଦେଇ ନିଲମ୍ବିତ ହେଲେ ତିନି ଡାକ ଅଧିକାରୀ । ଏଭଳି ଘଟଣା ଘଟିଛି କେନ୍ଦ୍ରାପଡ଼ା ଟାଉନ ଡିଭିଜନରେ । ନକଲି ସାର୍ଟିଫିକେଟ ଦେଇ କେନ୍ଦ୍ରାପଡା ଡାକ ବିଭାଗରେ ଏହି ୩ଜଣ ଚାକିରି କରିଥିଲେ ।
ଏବେ ପୁଣି ଜଣେ ନକଲି ସାଟିଫିକେଟ ଦେଇ ଚାକିରି କରିବାକୁ ଆସିଥିବା ବେଳେ ଧରାପଡିଥିଲେ । ତେବେ ଘଟଣା ପରେ ଛାନଭିନ୍ ହେବାରୁ ପୂର୍ବରୁ ଚାକିରି କରୁଥିବା କର୍ମଚାରୀଙ୍କ ସାଟିଫିକେଟ ଯାଞ୍ଚ କରାଯାଇଥିଲା । ଏଥିରେ ୩ଜଣ ଡାକ ସେବକ ନକଲି ସାର୍ଟିଫିକେଟ ଦେଇ ଚାକିରି କରିଥିବା ଘଟଣା ପଦାକୁ ଆସିଛି ।
