ଟ୍ରିବ୍ୟୁନାଲ ଟିମ ଓଡ଼ିଶା ଆସୁଥିବାରୁ କଲମାର ଗେଟ ଖୋଲି ଥାଇପାରେ ଛତିଶଗଡ଼
ଭୁବନେଶ୍ୱର (ବଡ଼ ଖବର ବ୍ୟୁରୋ): ଛତିଶଗଡ଼ କଲାମାରେ ଗତକାଲି ୧୭ ଟି ଗେଟ ଖୋଲିଥିବା ବେଳେ ଆଜି ୨୦ ଟି ଗେଟ ଖୋଲିଛନ୍ତି । ଟ୍ରିବ୍ୟୁନାଲ ଟିମ ଓଡିଶା ଆସୁଥିବାରୁ ଛତିଶଗଡ଼ କଲମାର ଗେଟ ଖୋଲି ଥାଇପାରେ ବୋଲି କହିଛନ୍ତି ଜଳ ସମ୍ପଦ ବିଭାଗର ସର୍ବୋଚ୍ଚ ଯନ୍ତ୍ରୀ ଭକ୍ତ ରଞ୍ଜନ ମହାନ୍ତି । ସେ କହିଛନ୍ତି, ୧୦ ତାରିଖରେ ଟ୍ରିବ୍ୟୁନାଲ ଟିମ ଓଡ଼ିଶା ଆସୁଛନ୍ତି । ପ୍ରଥମେ ଡେଲଟା ଏରିଆ ପରିଦର୍ଶନ କରିବେ । କିନ୍ତୁ ଛତିଶଗଡ଼ ଗେଟ ଖୋଲୁଥିଲେ ବି ହୀରାକୁଦ ରେ ଇନ-ଫ୍ଲୋ ବଢୁନି ।
ଆମେ ବିଭିନ୍ନ ପର୍ଯ୍ୟାୟରେ ଛତିଶଗଡ଼କୁ ଚିଠି ଲେଖିଥିଲୁ ଗେଟ ଖୋଲିବା ପାଇଁ । ମନ୍ତ୍ରୀ, ସଚିବଙ୍କ ସହିତ ମୁଁ ବି ଚିଠି ଲେଖିଥିଲି । ଆସନ୍ତା ୨୯ ତାରିଖରୁ ମହାନଦୀ ଜଳ ବିବାଦ ଟ୍ରିବ୍ୟୁନାଲ୍ ଦ୍ୱିତୀୟ ପର୍ୟ୍ୟାୟ ଗସ୍ତରେ ଆସୁ ଥିବାରୁ ଏହାକୁ ଦୃଷ୍ଟିରେ ରଖି ଏହି ପଦକ୍ଷେପ ନିଆ ଯାଇଛି ବୋଲି ଆଲୋଚନା ହେଉଛି।୧୭ଟି ଗେଟ୍ ଦେଇ ଯେତିକି ପରିମାଣର ଜଳ ନିଷ୍କାସିତ ହେଉଛି, ତାହା ହୀରାକୁଦ ଡ୍ୟାମ୍ର ଜଳସ୍ତର ବୃଦ୍ଧି କରିବାରେ କିଛି ସହାୟକ ହେବ ନାହିଁ ।