ଏକାସାଙ୍ଗେ ଜଳିଲା ୧୦ ଜୁଇ

ରାଇଘର (ବଡ଼ ଖବର ବ୍ୟୁରୋ): ଏକ ସମୟରେ ଜଳିଲା ୧୦ ଜୁଇ । ଗୋଟିଏ ପରିବାର ୧୦ ଜଣଙ୍କ ଶବଦାହ ଦୃଶ୍ୟ ଅତ୍ୟନ୍ତ ହୃଦୟ ବିଦାରକ । ଏଳଭି ଘଟଣା ଦେଖିବାକୁ ମିଳିଛି ଛତିଶଗଡ଼ ଧମତରୀ ଜିଲ୍ଲାର ସୋରାମ ଗ୍ରାମରେ । ୩ ତାରିଖ ରାତିରେ ରାୟପୁର ଠାରୁ ୮୦ କିଲୋମିଟର ଦୂର ବାଲୋଦ ଠାରେ ହୋଇଥିଲା ମର୍ମନ୍ତୁଦ ସଡ଼କ ଦୁର୍ଘଟଣା । ଏହି ଦୁର୍ଘଟଣାରେ ସୋରାମ ଗ୍ରାମର ଗୋଟାଏ ପରିବାରର ୧୦ ଜଣ ସଦସ୍ୟ ଏବଂ ଜଣେ ଗ୍ରାମବାସୀଙ୍କ ସହିତ ମୋଟ ୧୧ ଜଣଙ୍କ ମୃତ୍ୟୁ ହୋଇଥିଲା ।

୪ତାରିଖରେ ୧୧ ଜଣଙ୍କ ଶବକୁ ନେଇ ଆମ୍ବୁଲାନ୍ସ ଗାଁରେ ପହଞ୍ଚିବା ପରେ ଶୋକାକୂଳ ପରିବେଶ ସୃଷ୍ଟି ହୋଇଥିଲା । ଗୋଟିଏ ପରିବାରର ୧୦ ସଦସ୍ୟଙ୍କ ଶବ ଅନ୍ତିମ ସତ୍କାର କରାଯାଇଥିଲା । ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବାଘେଲ୍ ମୃତକଙ୍କ ପରିବାର ଲୋକଙ୍କୁ ୪ ଲକ୍ଷ ଟଙ୍କା ଲେଖାଏଁ ଅନୁକମ୍ପା ରାଶି ଘୋଷଣା କରିଛନ୍ତି ।