ନିଯୁକ୍ତିକୁ ନେଇ ଗଣ୍ଡଗୋଳ, ବିଧାୟକଙ୍କ କୁଶପୁତ୍ତଳିକା ଦାହ

ପାଲଲହଡ଼ା(ବଡ଼ ଖବର ବ୍ୟୁରୋ): ପାୱାରହାଉସରେ ନିଯୁକ୍ତିକୁ ନେଇ ଗଣ୍ଡଗୋଳ। ପାଲଲହଡା ବିଧାୟକଙ୍କ କୁଶପୁତ୍ତଳିକା ଦାହ କଲେ ଅଞ୍ଚଳବାସୀ। ଅନୁଗୋଳ ଜିଲ୍ଲା ପାଲଲହଡ଼ା କଣିହାଁ ବ୍ଲକ ରେଙ୍ଗାଳି ତାରିଣୀ ଛକରେ ବିଧାୟକ ମୁକେଶ କୁମାର ପାଳଙ୍କ କୁଶପୁତ୍ତଳିକା ଦାହ କରାଯାଇଛି । ରେଙ୍ଗାଳି ଡ୍ୟାମ ଓଏଚପିସିରେ ବିଧାୟକ ନିଜ ଦଳର ୩୫ଜଣ ସମର୍ଥକଙ୍କୁ ଠିକା ନିଯୁକ୍ତି ଦେବାକୁ ବାଧ୍ୟ କରିଥିଲେ । ଅନ୍ୟ ପକ୍ଷରେ ଠିକା ନିଯୁକ୍ତିରେ ରେଙ୍ଗାଳି ଅଞ୍ଚଳର କାହାକୁ ନିଯୁକ୍ତି ଦିଆଯାଇନାହିଁ । ଏହାର ପ୍ରତିବାଦ କରିବାରୁ ଓଏଚପିସିରେ ଏତେ ସଂଖ୍ୟାରେ ନିଯୁକ୍ତି ଦେବାକୁ ମନା କରି ଦିଆଯାଇଥିଲା । ଫଳରେ ଯୁବକମାନେ ଅସନ୍ତୋଷ ପ୍ରକାଶ କରିବା ସହ କାର୍ଯ୍ୟାଳୟରେ ତାଲା ପକାଇଥିଲେ । ବିଧାୟକ ଲାଞ୍ଚ ନେଇ ଚାକିରି ଦେଇଥିବା ଅଭିଯୋଗ କରିଛନ୍ତି । ଏଥିସହ ପଞ୍ଚାୟତ ଶ୍ରମିକ ନେତା ଧ୍ରୁବ ଚରଣ ଧୀରଙ୍କ ନେତୃତ୍ୱରେ ବିଧାୟକଙ୍କ କୁଶପୁତ୍ତଳିକା ଦାହ କରାଯାଇଛି ।