ସାରସକଣା (ବଡ଼ ଖବର ବ୍ୟୁରୋ): ଗାଁର ବିକାଶ ପାଇଁ ସରକାର କରିଛନ୍ତି ମାଳମାଳ ଯୋଜନା । କିନ୍ତୁ ତାହା କେବଳ କାଗଜକଲମରେ ସୀମିତ । ସ୍ୱାଧୀନତାର ଦୀର୍ଘ ବର୍ଷ ପରେ ମଧ୍ୟ ମୟୂରଭଞ୍ଜ ଜିଲ୍ଲା ସରକଣା ବ୍ଲକର ଜୋଗିତଫାଗାଁକୁ ନାହିଁ ରାସ୍ତା । ଗମନାଗମନର ମାଧ୍ୟମ ସାଜିଛି ବାଉଁଶ ତିଆରି ପୋଲ । ଦୈନନ୍ଦିନ ବଜାର ହେଉ କି ପଞ୍ଚାୟତରୁ ଚାଉଳ ଓ ଭତ୍ତା ପାଇଁ ଗ୍ରାମବାସୀ ଏହି ବାଉଁଶ ପୋଲ ଉପରେ ନିର୍ଭର କରୁଛନ୍ତି । ସରକାରଙ୍କ ଗାଁକୁ କାମ ମା’କୁ ସମ୍ମାନର ନାରା ଦେଉଥିବା ସରକାର କେବଳ ସ୍ଲୋଗାନରେ ହିଁ ସୀମିତ ରହିଛି । ଏହି ବାଉଁଶ ପୋଲ ଦେଇ ଗାଁକୁ ଆମ୍ବୁଲାନ୍ସ ଆସିପାରୁ ନାହିଁ । ଗର୍ଭବତୀଙ୍କୁ ବାଉଁଶ ପୋଲ ଦେଇ ଆମ୍ବୁଲାନ୍ସ ପର୍ଯ୍ୟନ୍ତ ବୋହି ନେଉଛନ୍ତି ଗ୍ରାମବାସୀ । ବର୍ଷାଦିନ ଆସିଲେ ନାହିଁ ନଥିବା ସମସ୍ୟା ଭୋଗୁଛନ୍ତି ଜୋଗିତଫା ଗାଁ ଲୋକେ । ସମସ୍ୟା ସମ୍ପର୍କରେ ବ୍ଲକ ଅଫିସ ଠାରୁ ଆରମ୍ଭ କରି ନେତା, ମନ୍ତ୍ରୀଙ୍କୁ ଗୁହାରୀ କରି ଥିଲେ ମଧ୍ୟ କେହି ଶୁଣୁ ନଥିବା କହିଛନ୍ତି ଗ୍ରମବାସୀ ।
