ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଭାରତ-ଚୀନ ମଧ୍ୟରେ ଚାଲିଛି ମେଜର ଜେନେରାଲ ସ୍ତରୀୟ ଆଲୋଚନା । ଦୌଲତ ବେଗ୍ ଓଲ୍ଡିରେ ମେଜର ଜେନେରାଲ ସ୍ତରୀୟ ବୈଠକ ବସିଛି । ଏହା ହେଉଛି ଦୁଇ ଦେଶ ମଧ୍ୟରେ ନିୟମିତ ସୀମା ନିୟନ୍ତ୍ରଣ ବୈଠକ । ପୂର୍ବ ଲଦାଖରେ ୪ ବର୍ଷ ହେଲା ଲାଗିଥିବା ଉତ୍ତେଜନା ହ୍ରାସ କରିବା ପାଇଁ ଉଦ୍ୟମ ଚାଲିଛି । ଏପ୍ରିଲ ୨୩ରେ ଚୋସୁଲ-ମୋଲ୍ଡୋ କମାଣ୍ଡର ସ୍ତରୀୟ ବୈଠକ ହୋଇଥିଲା । ସୁଫଳ ନ ମିଳିବାରୁ ପୁଣି ମେଜର ଜେନେରାଲ ସ୍ତରୀୟ ବୈଠକ ବସିଥିବା ସୂଚନା ମିଳିଛି । ଏଲଏସିର ସମ୍ବେଦନଶୀଳ ଅଞ୍ଚଳରୁ ସେନା ହ୍ରାସ ନେଇ ଭାରତ ପ୍ରସ୍ତାବ ଦେଇଥିବା ବେଳେ ଭାରତର ପ୍ରସ୍ତାବରେ ଚୀନ ସହମତ ହୋଇନଥିବା ସୂଚନା ମିଳିଛି ।
