ସ୍କୁଟିକୁ ଧକ୍କା ଦେଲା ବସ; ଜଣେ ମୃତ, ଜଣେ ଗୁରୁତର

ସେରଗଡ଼(ବଡ଼ ଖବର ବ୍ୟୁରୋ):ବସ ଧକ୍କାରେ ସ୍କୁଟି ଚାଳକଙ୍କ ମୃତ୍ୟୁ । ସ୍କୁଟି ଉପରେ ମାଡ଼ିଗଲା ଘରୋଇ ଯାତ୍ରୀବାହୀ ବସ୍ । ସିସିଟିଭିରେ କଏଦ ହେଲା ଦୁର୍ଘଟଣାର ଛାତିଥରା ଦୃଶ୍ୟ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ଥାନା ସାରୁ ଓ ସମରଝୋଳ ଛକ ନିକଟରେ ଘଟିଛି ଦୁର୍ଘଟଣା । ଦୁର୍ଘଟଣାରେ ହିଞ୍ଜିଲକାଟୁ ନବିନଭବନର ସାହିର ରୋଶନ ବେହେରାଙ୍କ ମୃତ୍ୟୁ ହୋଇଥିବାଳେଳେ ମନୋଜ କୁମାର ଦାସ ଗୁରୁତର ଆହତ ହୋଇଛନ୍ତ ।

ସୂଚନା ମୁତାବକ ପେଟ୍ରୋଲ ପମ୍ପରେ ପେଟ୍ରୋଲ ପକାଇ ବ୍ରହ୍ମପୁର ଅଭିମୁଖେ ଯାଉଥିବାସମୟରେ ସ୍କୁଟି ଉପରେ ଯାତ୍ରୀବାହୀ ବସ ଚଢିଯାଇଥôଲା। ଘଟଣାସ୍ଥଳରେ ରୋଶନଙ୍କ ମୃତ୍ୟୁ ହୋଇଥିବାବେଳେ ମନୋଜ ଗୁରୁତର ଆହତ ହୋଇଛନ୍ତି । ଗୁରୁତର ଆହତ ହୋଇଥିବା ମନୋଜଙ୍କୁ ଆମ୍ବୁଲାନ୍ସ ଜରିଆରେ ବ୍ରହ୍ମପୁର ବଡ଼ ମେଡିକାଲରେ ଭର୍ତ୍ତି କରାଯାଇଛି । ଘଟଣା ସ୍ଥଳରେ ହିଞ୍ଜିଳି ପୁଲିସ ପହଞ୍ଚି ମୃତଦେହକୁ ଜବତ କରିଛି । ଦୁର୍ଘଟଣାଗ୍ରସ୍ତ ବସ ଓ ସ୍କୁଟିକୁ ମଧ୍ୟ ଜବତ କରାଯାଇଛି । ଏନେଇ ହିଞ୍ଜିଳି ଥାନାରେ ଏକ ମାମଲା ରୁଜୁ କରି ଘଟଣାର ତଦନ୍ତ ଚଳାଇଥୁବା ହିଞ୍ଜିଳି ଥାନା ଅଧିକାରୀ ଅଭିମନ୍ୟୁ ଦାସ ସୂଚନା ।