ଜୁନରେ ହେବ ମେଟ୍ରୋ ଟ୍ରେନର ଶିଳାନ୍ୟାସ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଜୁନରେ ଭୁବନେଶ୍ୱର ମେଟ୍ରୋ ଟ୍ରେନର ଶିଳାନ୍ୟାସ । ଭିତ୍ତିପ୍ରସ୍ତର ସ୍ଥାପନ କରିବେ ମୁଖ୍ୟମନ୍ତ୍ରୀ । ନଗର ଉନ୍ନୟନ ସଚିବ ଜି ମାଥିଭାଥନନ୍ ପ୍ରେସମିଟରେ ଏହି ସୂଚନା ଦେଇଛନ୍ତି । ଭୁବନେଶ୍ୱର –କଟକ ପାଇଁ ଡିପିଆର୍ ପ୍ରସ୍ତୁତ , ସର୍ଭେ ସରିଥିବା କହିଛନ୍ତି ସଚିବ । ଓଡିଶାରେ ଗଡିବାକୁଥିବା ମେଟ୍ରୋ ଟ୍ରେନ ଶିଳାନ୍ୟାସ ହେବାର ୩ବର୍ଷ ମଧ୍ୟରେ ପ୍ରକଳ୍ପ କାମ ସାରିବାକୁ ଲକ୍ଷ୍ୟ ରଖାଯାଇଛି । ପ୍ରଥମ ପ୍ରର୍ଯ୍ୟାୟରେ ଭୁବନେଶ୍ୱର ବିମାନ ବନ୍ଦରରୁ ତ୍ରିଶୁଳିଆ ପର୍ଯ୍ୟନ୍ତ ୨୫ କିଲୋମିଟର ଟ୍ରଙ୍କ ରୁଟ ପାଇଁ ୪୫୦ ଟି ଖମ୍ବ ଠିଆ କରାଯିବାର ଅଛି । ଏଥିପାଇଁ ୮୦୦୦ କୋଟି ଟଙ୍କା ଖର୍ଚ୍ଚ କରାଯିବ । ପରବତ୍ତୀ ସମୟରେ ଭୁବନେଶ୍ୱରର ୪ଦିଗ ସହିତ ସଂଯୋଗ କରାଯିବ । ଏହି ପ୍ରକଳ୍ପ ପାଇଁ ୨୫୦ ରୁ ୩୦୦ କୋଟି ଟଙ୍କା ଖର୍ଚ୍ଚ ହେବାର ଆକଳନ କରାଯାଉଛି । ପ୍ରତି ୫୦ ମିଟର ମଧ୍ୟରେ ଗୋଟିଏ ଲେଖାଏଁ ପିଲର ନିର୍ମାଣ ହେବ । ପ୍ରଥମ ପର୍ଯ୍ୟୟରେ ଟ୍ରଙ୍କ ରୁଟରେ ୭ରୁ ୮ ମେଟ୍ରୋ ଷ୍ଟେସନ୍ ତିଆରି କରାଯିବ ।