ପୂଜାର୍ଚ୍ଚନାରୁ ଆରମ୍ଭ ହେଲା ଉଦଘାଟନୀ ଉତ୍ସବ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆଜି ଦେଶର ଇତିହାସରେ ଯୋଡ଼ି ହେବ ଏକ ନୂତନ ଅଧ୍ୟାୟ। ଭାରତକୁ ମିଳିବ ଅତ୍ୟାଧୁନିକ ନୂତନ ସଂସଦ ଭବନ। ଆଜି ନୂଆ ସଂସଦ ଭବନର ଲୋକାର୍ପଣ ହେବ। ତାମିଲନାଡୁ ଧର୍ମପୁରମ ଅଧିନମ୍ ମଠ ମହନ୍ତ ମୋଦିଙ୍କୁ ସେଙ୍ଗୋଲ ବା ରାଜଦଣ୍ଡ ପ୍ରଦାନ କରିଛନ୍ତି। ଏହି ରାଜଦଣ୍ଡକୁ ଆଜି ନୂଆ ସଂସଦ ଭବନରେ ବାଚସ୍ପତିଙ୍କ ଆସନ ପାଖରେ ସ୍ଥାପନ କରାଯିବ। ସକାଳ ପ୍ରାୟ ସାଢେ ୭ଟାରେ ପୂଜା ଏବଂ ଯଜ୍ଞ ଆରମ୍ଭ ହୋଇଛି ।

ସାଢେ ୮ରୁ ୯ଟା ଭିତରେ ସେଙ୍ଗୋଲକୁ ସ୍ଥାପନ କରାଯିବ। ସଂସଦ ଭବନରେ ଅଛନ୍ତି ପ୍ରଧାନମନ୍ତ୍ରୀ । ତାଙ୍କ ସହ ଅଛନ୍ତି ବାଚସ୍ପତି ଓମ ବିର୍ଲା । ମନ୍ତ୍ର ଉଚ୍ଚାରଣରେ ଚାଲିଛି ପୂଜାର୍ଚ୍ଚନା ହୋମ ଯଜ୍ଞ । ପୂଜାର୍ଚ୍ଚନାରୁ ଆରମ୍ଭ ହେଲା ଉଦଘାଟନୀ ଉତ୍ସବ । ପୂଜାର୍ଚ୍ଚନା ପରେ ସେଙ୍ଗୋଲ ଗ୍ରହଣ କଲେ ପ୍ରଧାନମନ୍ତ୍ରୀ ।