ମଞ୍ଚରେ ଦୀପ ପ୍ରଜ୍ୱଳନ ବେଳେ ଟଳିପଡିଲେ ମାଲେସିଆର ଭାରତନାଟ୍ୟମ ନୃତ୍ୟଶିଳ୍ପୀ ଶ୍ରୀଗଣେଶନ
ଭୁବନେଶ୍ୱର (ବଡ଼ ଖବର ବ୍ୟୁରୋ): ଏମିତି ବି ଆସେ ମୃତ୍ୟୁ । ମଞ୍ଚରେ ଦୀପ ପ୍ରଜ୍ୱଳନ କରୁ କରୁ ଟଳି ପଡିଲେ ମାଲେସିଆର ଭାରତନାଟ୍ୟମ ନୃତ୍ୟଶିଳ୍ପୀ ଶ୍ରୀଗଣେଶନ । ଶୁକ୍ରବାର ଭୁବନେଶ୍ୱର ସ୍ଥିତ ଭଞ୍ଜକଳା ମଣ୍ଡପରେ ଚାଲିଥିବା ଶ୍ରୀଜୟଦେବ ରାଷ୍ଟ୍ରୀୟ ସମାରୋହ କାର୍ଯ୍ୟକ୍ରମରେ ଘଟିଛି ଏଭଳି ଦୁର୍ଘଟଣା । ମାଲେସିଆରୁ ଆସିଥିବା ଭାରତନାଟ୍ୟମ ନୃତ୍ୟଗୁରୁ ଶ୍ରୀଗଣେଶନଙ୍କର ମୃତ୍ୟୁ ହୋଇଛି । ଗୁରୁ ଶ୍ରୀ ଗଣେଶନ ଭାରତନାଟ୍ୟମ ପରିବେଷଣ କରିଥିଲେ ।
ତାପରେ ମଂଚରେ ଥିବା ଜଗନ୍ନାଥଙ୍କ ବିଗ୍ରହ ନିକଟରେ ଅନ୍ୟ ଅତିଥିମାନଙ୍କ ସହ ଦୀପ ପ୍ରଜ୍ୱଳନ କରିଥିଲେ । ଠିକ୍ ଏତିକି ବେଳେ ହିଁ ମଞ୍ଚ ଉପରେ ଅଚେତ ହୋଇଯାଇଥିଲେ ଗୁରୁ ଶ୍ରୀଗଣେଶନ । ତାଙ୍କୁ କ୍ୟାପିଟାଲ ହସ୍ପିଟାଲକୁ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଏହି ଘଟଣା ପରେ ପ୍ରେକ୍ଷାଳୟରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା ।