ଭୁବନେଶ୍ୱର (ବଡ଼ ଖବର ବ୍ୟୁରୋ): ବିଜେଡିର ବରିଷ୍ଠ ନେତାଙ୍କ ମନ୍ତବ୍ୟ ଲୋକଙ୍କ ଭିତରେ ସନ୍ଦେହ ସୃଷ୍ଟି କରୁଛି । ସେଥିପାଇଁ ମୁଖ୍ୟମନ୍ତ୍ରୀ ନିଜେ ସ୍ପଷ୍ଟୀକରଣ ଦେବା ଦରକାର କି ସେ ସୁସ୍ଥ ଅଛନ୍ତି ଏବଂ ଓଡ଼ିଶାର ଶାସନ ସେ ହିଁ ସମ୍ଭାଳୁଛନ୍ତି ବୋଲି କହିଛନ୍ତି କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା । ସେ କହିଛନ୍ତି ଓଡ଼ିଶାବାସୀ ମୁଖ୍ୟମନ୍ତ୍ରୀଙ୍କୁ ଭୋଟ ଦେଇଛନ୍ତି ।
ଲୋକେ ଚାହୁଁଛନ୍ତି ମୁଖ୍ୟମନ୍ତ୍ରୀ ଆସନ୍ତୁ । କିନ୍ତୁ ଓଡ଼ିଶାରେ ଗୋଟେ ଦୁର୍ଭାଗ୍ୟ ଜନକ ସ୍ଥିତି ସୃଷ୍ଟି ହୋଇଛି । ମନ୍ତ୍ରୀ ମାନେ ଅଫିସର ଗସ୍ତ ଲାଗି ବ୍ୟବସ୍ଥା କରୁଛନ୍ତି । ଭାରତର କୌଣସି ରାଜ୍ୟରେ ଏହି ବ୍ୟବସ୍ଥା ନାହିଁ । କାରଣ ଭାରତର ସବୁ ଜାଗାରେ ଗଣତାନ୍ତ୍ରିକ ଶାସନ ଚାଲିଛି । ଓଡ଼ିଶାରେ ଅଫିସରି ଶାସନ ଚାଲିଛି ବୋଲି ଏହି ପରିସ୍ଥିତି ସୃଷ୍ଟି ହୋଇଛି । ଯାହା କି ସମ୍ପୂର୍ଣ୍ଣ ଅସମ୍ବିଧାନିକ ।
