ବେଗୁନିଆ, (ବଡ଼ ଖବର ବ୍ୟୁରୋ) : ବିଜେପି ପକ୍ଷରୁ ବେଗୁନିଆ ବ୍ଲକ ସମ୍ମୁଖରେ ବିଜେପିର ନବମ ଜନଶୁଣାଣୀ କାର୍ୟ୍ୟକ୍ରମ ଅନୁଷ୍ଠିତ ହୋଇଯାଇଛି । ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ ଏହି କାର୍ଯ୍ୟକ୍ରମରେ ଯୋଗଦେଇ ବେଗୁନିଆ ବ୍ଳକର ବହୁ ଗରିବ ଅସହାୟମାନଙ୍କର ବିଭିନ୍ନ ସମସ୍ୟା ବିଷୟରେ ବୁଝିଥିଲେ । ପ୍ରଧାନମନ୍ତ୍ରୀ ଆବାସ ଯୋଜନା, ରାସନକାର୍ଡ ବଣ୍ଟନ ଭଳି ଅନେକ ଯୋଜନା ବେଗୁନିଆ ବ୍ଳକରେ ବାଟମାରଣା ହେଉଛି । ପ୍ରକୃତ ହିତାଧିକାରୀ ବଞ୍ଚିତ ରହୁଥିବାରୁ ସାଂସଦ ଅପରାଜିତା ଷଡଙ୍ଗୀ ଏହାକୁ ଗୁରୁତ୍ୱଭାବେ ନେଇଛନ୍ତି । ଏହି କାର୍ଯ୍ୟକ୍ରମରେ ବିଜେପି ଜିଲ୍ଲା ସମ୍ପାଦକ ପ୍ରକାଶ ବିଜୁଳି, ବେଗୁନିଆ ନିର୍ବାଚନ ମଣ୍ଡଳୀର ସାଂସଦ ପ୍ରତିନିଧି ଅନୁଚୌଧୁରୀ, ପୂର୍ବତନ ବ୍ଲକ ଅଧ୍ୟକ୍ଷ ରଘୁନାଥ ଷଡଙ୍ଗୀ ପ୍ରମୁଖ ଉପସ୍ଥିତ ରହିଥିଲେ। କୋଭିଡ ନିୟମ ଉଲଘଂନ କରିଥିବା ଅଭିଯୋଗରେ ସାଂସଦ ଅପରାଜିତା ଷଡଙ୍ଗୀଙ୍କ ଅଫିସକୁ ବି.ଏମ.ସି ପକ୍ଷରୁ ସିଲ କରାଯାଇଥିବାରୁ, ସେ ଆଗାମୀ ୧୫ ଦିନ ଏଭଳି ରାସ୍ତା କଡରେ ଜନଶୁଣାଣୀ କାର୍ଯ୍ୟକ୍ରମ କରିବେ ବୋଲି ସେ ସୂଚନା ଦେଇଥିଲେ ।
