ବଢୁଛି ହୀରାକୁଦ ଜଳଭଣ୍ଡାରର ଜଳସ୍ତର

ଭୁବନେଶ୍ୱର(ବଡ ଖବର ବ୍ୟୁରୋ): ବଢୁଛି ହୀରାକୁଦ ଜଳଭଣ୍ଡାରର ଜଳସ୍ତର । ଛତିଶଗଡ ଖୋଲିଛି କଲମା ବ୍ୟାରେଜର ୬୬ ଗେଟ୍ । ଯାହାଦ୍ୱାରା ଜଳଭଣ୍ଡାରର ଜଳସ୍ତର ବଢୁଛି । ଫଳରେ ୬୩୦ ଫୁଟ କ୍ଷମତା ବିଶିଷ୍ଟ ଡ୍ୟାମର ଜଳପତ୍ତନ ବୃଦ୍ଧି ପାଉଛି । ଆଜି ସକାଳ ସୁଦ୍ଧା ଏଠାରେ ୬୦୬.୪୧ ଫୁଟ ପାଣି ରହିଛି ।

ଏହା ଧୀରେ ଧୀରେ ବଢିବାରେ ଲାଗିଛି । ହୀରାକୁଦ ଡ୍ୟାମକୁ ୨୬ହଜାର୧୧୧ଘନଫୁଟ ଜଳ ପ୍ରବେଶ କରୁଥିବାବେଳେ ବିଦ୍ୟୁତ ଉତ୍ପାଦନ ଓ ଶିଳ୍ପସଂସ୍ଥାକୁ ୩୬ହଜାର ୩୧୮ ଘନଫୁଟ ଜଳ ନିଷ୍ମାସନ ହେଉଛି । ଚଳିତବର୍ଷ ବନ୍ୟାଜଳ ଛାଡିବା ନେଇ ସେଭଳି ପରିସ୍ଥିତି ସୃଷ୍ଟି ହୋଇନଥିବାରୁ ତାହା ସ୍ପଷ୍ଟ ହୋଇନାହିଁ । ଲଘୁଚାପ ଯୋଗୁ ଓଡିଶାରେ ପ୍ରବଳ ବର୍ଷା ହେବ ବୋଲି ଆଞ୍ଚଳିକ ପାଣିପାଗ କାର୍ଯ୍ୟାଳୟ ପକ୍ଷରୁ ପୁର୍ବନୁମାନ କରାଯାଇଛି ।