ବୁଡ଼ିଗଲା ଭସାପୋଲ

କୃଷ୍ଣପ୍ରସାଦ (ବଡ଼ ଖବର ବ୍ୟୁରୋ): ବୁଡ଼ିଯାଇଛି ଚିଲିକାରେ ଥିବା ଦ୍ୱିତୀୟ ଯାତ୍ରିବାହୀ ଭସାପୋଲ । ଯାତ୍ରୀଙ୍କ ସୁବିଧା ଲାଗି ଚିଲିକି ଉନ୍ନୟନ କର୍ତ୍ତୃପକ୍ଷ ସେପ୍ଟେମ୍ବର ୧୫ ତାରିଖରେ ଏହି ପୋଲ ପ୍ରଚଳନ କରିଥିଲେ । ମାତ୍ର ଇଞ୍ଜିନ ଭିତରେ ପାଣି ପଶିଯିବାରୁ ଏହା ବୁଡ଼ିଯାଇଛି । ଚିଲିକା ଙିତରେ ଥିବା ଜହ୍ନିକୁଦା, ସାତପଡ଼ା ଓ କୃଷ୍ଣପ୍ରସାଦକୁ ଯାତାୟତ ବ୍ୟାଘାତ ହୋଇଛି । ଭସାପୋଲ ତିଆରିର ଦୁଇମାସ ନପୁରୁଣୁ ଏଭଳି ସମସ୍ୟା ଲୋକଙ୍କ ଚିନ୍ତା ବଢାଇ ଦେଇଛି । ପୂର୍ବରୁ ମଧ୍ୟ ଏହି ଭସାପୋଲ ତଳେ କଙ୍କ୍ରିଟ ମଧ୍ୟ ପଡ଼ୁଥିବା ଦେଖିବାକୁ ମିଳିଥିଲା ।