ଭୁବନେଶ୍ୱର (ବଡ଼ ଖବର ବ୍ୟୁରୋ): ଆଜି ହେଉଛି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଜନ୍ମଦିନ । ୭୫ ବର୍ଷରେ ପାଦ ଥାପିଛନ୍ତି ମୁଖ୍ୟମନ୍ତ୍ରୀ । ଚାରିଅଡ଼ୁ ଛୁଟିଛି ଶୁଭେଛାର ସୁଅ । କରୋନା ଲାଗି ଜନ୍ମଦିନ ପାଳିବେନି ମୁଖ୍ୟମନ୍ତ୍ରୀ । ଗରିବ ଲୋକଙ୍କୁ ସାହାଯ୍ୟ କରିବା, ରକ୍ତଦାନ ଓ ପ୍ଲାଜମା ଦାନ କରିବା ଲାଗି ମୁଖ୍ୟମନ୍ତ୍ରୀ ନିବେଦନ କରିଛନ୍ତି ।
Birthday greetings to Odisha CM Shri Naveen Patnaik Ji. Praying for his long and healthy life. @Naveen_Odisha
— Narendra Modi (@narendramodi) October 16, 2020
ମୁଖ୍ୟମନ୍ତ୍ରୀଙ୍କ ଜନ୍ମଦିନ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟେଲିଫୋନ କରି ଶୁଭେଛା ଜଣାଇବା ସହ ଟ୍ୱିଟ୍ ମଧ୍ୟ କରିଥିଲେ । ରାଷ୍ଟ୍ରପତି ରାମନାଥ କୋବିନ୍ଦ ଓ ଉପରାଷ୍ଟ୍ରପତି ଭେଙ୍କେୟା ନାଇଡ଼ୁ, କେନ୍ଦ୍ରମନ୍ତ୍ରୀ ଧମେନ୍ଦ୍ର ପ୍ରଧାନ, ଅପରାଜିତା ଷଢ଼ଙ୍ଗୀ ଟ୍ୱିଟ୍ ଯୋଗ ଶୁଭେଛା ଜଣାଇଛନ୍ତି ।
୨୦ ବର୍ଷର ମୁଖ୍ୟମନ୍ତ୍ରୀ ମଧ୍ୟରେ ୭ଥର ଜନ୍ମଦିନ ପାଳିନାହାଁନ୍ତି ନବୀନ । ୨୦୧୧ରେ ବନ୍ୟା, ୨୦୧୩ରେ ଫାଇଲିନ୍, ୨୦୧୪ରେ ହୁଡ଼ୁହୁଡ଼ୁ, ୨୦୧୬ରେ ସହିଦ ଯବାନଙ୍କ ପାଇଁ ଜନ୍ମଦିନ ପାଳିନଥିଲେ ମୁଖ୍ୟମନ୍ତ୍ରୀ । ୨୦୧୮ରେ ତିତିଲ ଓ ୨୦୧୯ରେ ଫୋନି ଲାଗି ଜନ୍ମଦିନ ପାଳିନଥିଲେ ମୁଖ୍ୟମନ୍ତ୍ରୀ ।
