ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମହାରାଷ୍ଟ୍ର ରାଜନୀତିରେ ହଟଚମଟ ପରେ ୨୪ ବର୍ଷର ଏନସିପି ଦଳକୁ ସଦୃଢ କରିବା ପାଇଁ ଆରମ୍ଭ ହୋଇଛି ଜୋରଦାର ପ୍ରୟାସ । ବରିଷ୍ଠ ଏନସିପି ନେତା ଶରଦ ପାୱାର ଆଜି ଠାରୁ ରାଜ୍ୟବ୍ୟାପି କାର୍ଯ୍ୟକ୍ରମ ଆରମ୍ଭ କରିଛନ୍ତି । ଏହିକ୍ରମରେ ପାୱାର ବିଭିନ୍ନ ଜିଲ୍ଲା ବୁଲିବେ। ଆଜି ସେ ଦଳର ବିଦ୍ରୋହୀ ନେତା ଏବଂ ତାଙ୍କ ଘନିଷ୍ଠ ସହଯୋଗୀ ଛଗନ ଭୁଜବଳଙ୍କ ନିର୍ବାଚନ ମଣ୍ଡଳୀ ନାଶିକ ଜିଲ୍ଲାର ୟେବଲାରେ ରାଲି କରିଛନ୍ତି । ରାଲିରେ ଶରଦ ପାୱାର କହିଛନ୍ତି, ଅଜିତ ପାୱାରଙ୍କ ସହ ଯାଇଥିବା ସମସ୍ତ ଏନ୍ସିପି ନେତାଙ୍କୁ ଅଯୋଗ୍ୟ ଘୋଷଣା କରାଯିବ। କିଛି ଲୋକଙ୍କୁ ବିଶ୍ବାସ କରି ମୁଁ ଭୁଲ୍ କରିଦେଇଛି। କିନ୍ତୁ ଏହି ଭୁଲ୍ ମୁଁ ଆଉ ଦୋହରାଇବିନି।
