Masthead

ଚିକିତ୍ସା ପାଇଁ ଅପେକ୍ଷା କରିବାକୁ କହିବାରୁ ନିସ୍ତୁକ ମାଡ଼

କାକଟପୁର  (ବଡ଼ ଖବର ବ୍ୟୁରୋ): ଫାର୍ମାସିଷ୍ଟଙ୍କୁ ମରଣାନ୍ତକ ଆକ୍ରମଣ । ଚିକିତ୍ସା  ପାଇଁ ୫ ମିନିଟ ଅପେକ୍ଷା କରିବାକୁ କହିବାରୁ ନିସ୍ତୁକ ମାଡ଼ ମାରିଲେ ଯୁବକ । ସିସିଟିଭିରେ କଏଦ ହେଲା ଦୃଶ୍ୟ । କାକଟପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଦେଖିବାକୁ ମିଳିଛି ଅଭାବନୀୟ ଘଟଣା । ଚେୟାର, ଚେବୁଲ ଫୋପାଡିବା ସହ ଫାର୍ମାସିଷ୍ଟଙ୍କୁ ଆକ୍ରମଣ କରିଛନ୍ତି ଚିକିତ୍ସା ପାଇଁ ଆସିଥିବା ବ୍ୟକ୍ତିଙ୍କ ସମ୍ପର୍କୀୟ । ମାମଲା ରୁଜୁ କରି ତଦନ୍ତ ଆରମ୍ଭ କରିଛି ପୋଲିସ । ସୂଚନା ଅନୁସାରେ ଯୁବକ ତାଙ୍କ ଭାଇଙ୍କୁ ଚିକିତ୍ସା ନିମନ୍ତେ କାକଟପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣି ଆସିଥିଲେ । ଚିକିତ୍ସା ପାଇଁ ଫାର୍ମାସିଷ୍ଟଙ୍କ ପରାମର୍ଶ ନେଉଥିବା ସମୟରେ ଅନ୍ୟ ରୋଗୀଙ୍କ ସହ ଫାର୍ମାସିଷ୍ଟ ଚିକିତ୍ସାରେ ବ୍ୟସ୍ତ ଥିଲେ । ତେଣୁ ୫ମିନିଟ ଅପେକ୍ଷା କରିବାକୁ କହିଥିଲେ ।

କିନ୍ତୁ ବ୍ୟକ୍ତି ଜଣଙ୍କ ଉତକ୍ଷିପ୍ତ ହୋଇ ଫାର୍ମାସିଷ୍ଟଙ୍କୁ ଆକ୍ରମଣ କରିବା ସହିତ ଗାଳି ଗୁଲଜ କରି ଡାକ୍ତରଖାନାର ଜିନିଷ ପତ୍ର ଭଙ୍ଗାରୁଜା ଆରମ୍ଭ କରିଦେଇଥିଲେ । ସେ ସ୍ଥାନରେ ୧୦ ରୁ ୧୫ଜଣ ଅନ୍ୟ ବ୍ୟକ୍ତିମାନେ ଉପସ୍ଥିତ ଥିଲେ ମଧ୍ୟ କେହି ଯୁବକଙ୍କୁ ଆୟତ୍ତ କରିବାକୁ ଚେଷ୍ଟା କରିନଥିଲେ । ଘଟଣା ପରେ କାକଟପୁର ପୋଲିସ ଖବର ପାଇ ଯୁବକଙ୍କୁ ତାଙ୍କ ଘରୁ ଗିରଫ କରି , ହାଜତରେ ରଖିଛି । କିନ୍ତୁ ଫାର୍ମାସିଷ୍ଟଙ୍କୁ ଜୀବନରୁ ମାରିଦେବାର ଧମକ ମଧ୍ୟ ମିଳିଛି , ତେଣୁ ଫାର୍ମାସିଷ୍ଟଙ୍କ ଜୀବନ ସଙ୍କଟାପନ୍ନ ଅଛି ବୋଲି ଯାହା ପ୍ରତିକ୍ରିୟା ମିଳିଛି ।

ଆଗକୁ ପଢନ୍ତୁ
ବ୍ରେକିଙ୍ଗ୍ ନ୍ୟୁଜ୍
🔴 ପରିବା ମାର୍କେଟରେ ଲାଗିଲା ନିଆଁ 🔴 ଜୀବିତ ରୋଗୀକୁ ମାରିଦେଲା ଘରୋଇ ହସ୍ପିଟାଲ 🔴 ଛାତ୍ରୀ ଆତ୍ମହତ୍ୟା ଉଦ୍ୟମ ଘଟଣା, ତଦନ୍ତ କରି ଫେରିଲେ ତିନିଜଣିଆ କମିଟି 🔴 ୬ ଜିଲ୍ଲାରେ ପ୍ରବଳରୁ ଅତିପ୍ରବଳ ବର୍ଷା 🔴 ଆଜି ଓଡ଼ିଶା ଆସୁଛନ୍ତି ରାଷ୍ଟ୍ରପତି 🔴 ‘ଏଫଏମ୍ ଛାତ୍ରୀଙ୍କ ଆତ୍ମାହୁତି ଉଦ୍ୟମ ପାଇଁ ଦାୟୀ କଲେଜ କର୍ତ୍ତୃପକ୍ଷ’ 🔴 ‘ଘଟଣାକୁ ଗୁରୁତ୍ୱର ସହ ନିଆଯାଇଛି’ 🔴 ନାଳ ସାଜୁଛି କାଳ 🔴 ହଷ୍ଟେଲ ଖାଦ୍ୟ ଖାଇ ୪୭ ଛାତ୍ର ଅସୁସ୍ଥ 🔴 ଆଜିଠୁ ତିନି ଦିନ ପ୍ରବଳ ବର୍ଷା ସମ୍ଭାବନା 🔴 ପରିବା ମାର୍କେଟରେ ଲାଗିଲା ନିଆଁ 🔴 ଜୀବିତ ରୋଗୀକୁ ମାରିଦେଲା ଘରୋଇ ହସ୍ପିଟାଲ 🔴 ଛାତ୍ରୀ ଆତ୍ମହତ୍ୟା ଉଦ୍ୟମ ଘଟଣା, ତଦନ୍ତ କରି ଫେରିଲେ ତିନିଜଣିଆ କମିଟି 🔴 ୬ ଜିଲ୍ଲାରେ ପ୍ରବଳରୁ ଅତିପ୍ରବଳ ବର୍ଷା 🔴 ଆଜି ଓଡ଼ିଶା ଆସୁଛନ୍ତି ରାଷ୍ଟ୍ରପତି 🔴 ‘ଏଫଏମ୍ ଛାତ୍ରୀଙ୍କ ଆତ୍ମାହୁତି ଉଦ୍ୟମ ପାଇଁ ଦାୟୀ କଲେଜ କର୍ତ୍ତୃପକ୍ଷ’ 🔴 ‘ଘଟଣାକୁ ଗୁରୁତ୍ୱର ସହ ନିଆଯାଇଛି’ 🔴 ନାଳ ସାଜୁଛି କାଳ 🔴 ହଷ୍ଟେଲ ଖାଦ୍ୟ ଖାଇ ୪୭ ଛାତ୍ର ଅସୁସ୍ଥ 🔴 ଆଜିଠୁ ତିନି ଦିନ ପ୍ରବଳ ବର୍ଷା ସମ୍ଭାବନା