ମହଙ୍ଗା ପଡିଲା ମନ୍ଦିରରେ କୁକୁର ବୁଲା

ଭୁବନେଶ୍ୱର (ବଡ଼ ଖବର ବ୍ୟୁରୋ) : ମହଙ୍ଗା ପଡିଛି ମନ୍ଦିରରେ କୁକୁର ବୁଲେଇବା । ଭୁବନେଶ୍ୱର ବକ୍ରେଶ୍ୱର ମହାଦେବ ମନ୍ଦିର ପରିସରରେ ଜଣେ ବ୍ୟକ୍ତି କୁକୁର ଧରି ବୁଲୁଥିଲେ । ଯାହାକୁ ନେଇ କ୍ଷୋଭ ପ୍ରକାଶ କରିଥିଲେ ଶ୍ରଦ୍ଧାଳୁ । ମନ୍ଦିର ପରିସରରେ ଏଭଳି ପରିବେଶକୁ ନେଇ ଅନେକ ବିଚଳିତ ହୋଇଥିଲେ । ଏନେଇ ‘ବଡ଼ ଖବର’ରେ ଖବର ପ୍ରକାଶିତ ହୋଇଥିଲା । ଘଟଣାରେ ଆକ୍ସନକୁ ଆସିଛି କମିଶନରେଟ ପୋଲିସ୍ । ମନ୍ଦିରରେ କୁକୁର ଧରିଥିବା ସେ ବ୍ୟକ୍ତି ଜଣକ ତେଫାନ ସାମନ୍ତରାୟ ବୋଲି ଜଣାପଡିଛି । ପୋଲିସ୍ ତାଙ୍କ ବିରୋଧରେ ଓୟୁପି ଆକ୍ଟରେ କାର୍ଯ୍ୟାନୁଷ୍ଠାନ ନେଇଛି । ଏହା ସହ ପୋଷା କୁକୁରଙ୍କୁ ବୁଲାଇବା ବେଳେ ଦାୟିତ୍ୱବାନ ହେବାକୁ କମିଶନରେଟ ପୋଲିସ୍ ପରାମର୍ଶ ଦେଇଛି ।