ଦୁର୍ଘଟଣାରେ ନବବିବାହିତାଙ୍କ ମୃତ୍ୟୁ

ରେଙ୍ଗାଲି(ବଡ଼ ଖବର ବ୍ୟୁରୋ): ରେଙ୍ଗାଲିରେ ମମର୍ନ୍ତୁଦ ସଡକ ଦୁର୍ଘଟଣା । ଜଣେ ନବବିବାହିତା ମହିଳାଙ୍କୁ ଘୋଷାଡି ନେଲା ଟ୍ରକ । ଭୂଷଣ ପ୍ଲାଣ୍ଟ ସମ୍ମୁଖରେ ଦୁର୍ଘଟଣାରେ ଗୀତା ମେହେର ନାମ୍ନୀ ମହିଳାଙ୍କର ମୃତ୍ୟୁ ହୋଇଛି । ମହିଳା ଜଣଙ୍କ ତାଙ୍କ ବାପଘର ରେଙ୍ଗାଲି ରାମଚନ୍ଦ୍ରନଗରରୁ ବାହାରି ନିଜ ସ୍ୱାମୀ ସହିତ ମଟର ସାଇକେଲ ଶଶୁର ଘର ହସାମୁରା କଟାପାଲି ଅଭିମୁଖେ ଯାତ୍ରା କରୁଥିଲେ।

ଏହି ସମୟରେ ଠେଲକୋଲୋଇ ଭୂଷଣ ଛକ ଠାରେ ଏକ ଟ୍ରଲର ଗାଡ଼ି ପଛ ପଟୁ ମଟରସାଇକେଲ ଟିକୁ ଧକ୍କା ଦେଇଥିଲା। ଫଳରେ ସ୍ୱାମୀ ସ୍ତ୍ରୀ ଦୁଇଜଣ ଯାକ ଗାଡ଼ିରୁ ଖସି ପଡ଼ିଥିଲେ। ଟ୍ରଲରଟି ମହିଳାଙ୍କ ଉପରେ ଚଢିଯାଇ ପ୍ରାୟ ୫୦ ମିଟର ରାସ୍ତାରେ ଘୋଷାଡ଼ି ନେଇଯାଇଥିଲା। ଫଳରେ ଦୁର୍ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିଲା।ଘଟଣା ସ୍ଥଳରେ ଠେଲକୋଲୋଇ ପୋଲିସ ପହଁଚି ଗାଡ଼ିକୁ ଜବତ କରିଥିଲେ ଏବଂ ଆହତଙ୍କୁ ଝାରସୁଗୁଡା ଡାକ୍ତରଖାନାକୁ ସ୍ଥାନାନ୍ତର କରିଥିଲେ।