ଉତ୍ତରପ୍ରଦେଶ (ବଡ଼ ଖବର ବ୍ୟୁରୋ): ଭୁଶୁଡ଼ିଲା ଛାତ । ଗୋଟିଏ ପରିବାରର ୪ ମୃତ । ଉତ୍ତରପ୍ରଦେଶରେ ଘଟିଛି ଏହି ଅଭାବନୀୟ ଘଟଣା । । ଦିନକ ପୂର୍ବରୁ ହୋଇଥିଲା ଛାତ ଗ୍ରୀଡିଙ୍ଗ । ଘଟଣାସ୍ଥଳରେ ଉଦ୍ଧାର କାର୍ୟ୍ୟ ଜାରି ରହିଛି। ସୂଚନାନୁସାରେ, ବୁଲନ୍ଦଶାହର ଜିଲାର ନରସେନା ପୋଲିସ ଷ୍ଟେସନ ଅଧୀନରେ ଥିବା ମାୱାଇ ଗ୍ରାମରେ ବିଳମ୍ବିତ ରାତିରେ ଘରର ଛାତ ଭୁଶୁଡି ପଡିଛି। ପରିବାର ସଦସ୍ୟଙ୍କୁ ଭଗ୍ନାବଶେଷ ତଳେ ପୋତି ହୋଇଯାଇଥିଲେ।
ଯେଉଁଥିରୁ ଚାରି ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇଜଣଙ୍କୁ ଗୁରୁତର ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଉଭୟଙ୍କ ଅବସ୍ଥା ଗୁରୁତର ରହିଛି। ସେପଟେ ଘଟଣାକୁ ନେଇ ସମବେଦନା ଜଣାଇଛନ୍ତି ମୁଖ୍ୟମନ୍ତ୍ରୀ ଆଦିତ୍ୟନାଥ । ମୃତକଙ୍କ ପରିବାରକୁ ୪ ଲକ୍ଷ ଟଙ୍କାର ସହାୟତା ଘୋଷଣା କରିବା ସହ ଘରର ମରାମତି ପାଇଁ ସହାୟତା ରାଶି ପ୍ରଦାନ କରିବା ପାଇଁ କହିଛନ୍ତି ।
