ନୀଳାଦ୍ରିବିଜେ ଠାରୁ ହୋଇନି ମହାପ୍ରଭୁଙ୍କ ବନକଲାଗି ନୀତି

ପୁରୀ (ବଡ଼ ଖବର ବ୍ୟୁରୋ):  ସ୍ନାନପୂର୍ଣ୍ଣିମା ଠାରୁ ଆଜି ପର୍ଯ୍ୟନ୍ତ ମହାପ୍ରଭୁଙ୍କ ନୀତିକାନ୍ତିକୁ ନେଇ ଗୋଟିଏ ପରେ ଗୋଟିଏ ବିଭ୍ରାଟ ଦେଖିବାକୁ ମିଳିଛି । ସ୍ନାନପୂର୍ଣ୍ଣିମା ନୀତିରେ ବିଳମ୍ବ ହୋଇଥିଲା । ପରେ ରଥଯାତ୍ରା ଠାରୁ ଆରମ୍ଭ କରି ନୀଳାଦ୍ରିବିଜେ ପର୍ଯ୍ୟନ୍ତ  ମହାପ୍ରଭୁଙ୍କ ସବୁ ନୀତିରେ ବିଭ୍ରାଟ ହୋଇଥିଲା । ଯାହାକୁ ନେଇ ଶ୍ରଦ୍ଧାଳୁଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଥିଲା । ଏବେ ପୁଣି ବନକଲାଗି ନୀତି ନେଇ କିଛି ଦିନ ହେବ ବିବାଦ ଲାଗି ରହିିଛି । ନୀଳାଦ୍ରିବିଜେ ଠାରୁ ମହାପ୍ରଭୁଙ୍କ ହୋଇନି ବନକଲାଗି ନୀତି ।

ନୀତି ହୋଇନଥିବା କହିଛନ୍ତି ଦଇତାପତି ସେବକ ବିନାୟକ ଦାସମହାପାତ୍ର । ଶ୍ରୀମନ୍ଦିର ରେକର୍ଡ ଅଫ ରାଇଟସ ଅନୁଯାୟୀ ପ୍ରତ୍ୟକ ଗୁରୁବାର ମହାପ୍ରଭୁଙ୍କ ବନକଲାଗି ନୀତି ହେବା କଥା । କିନ୍ତୁ ପ୍ରଶାସନ ଏ ସବୁ ପରମ୍ପରାକୁ ଅବହେଳା କରୁଥିବା କହିଛନ୍ତି ବନକଲାଗି ନୀତି ସମ୍ପାଦନା କରୁଥିବା ଦତ୍ତମହାପାତ୍ର ସେବାୟତ । ଏପରିକି ମହାପ୍ରଭୁଙ୍କ ଶ୍ରୀମୁଖ ଶୃଙ୍ଗାର ପାଇଁ ନକଲି କସ୍ତୁରୀ ଗୁଣ୍ଡ ମଧ୍ୟ ବ୍ୟବହାର ହେଉଥିବା ଦତ୍ତମହାପାତ୍ର ସେବାୟତ କହିଥିବାବେଳେ ସପ୍ତାହକୁ ଚାରି ଥର ବନକଲାଗି ନୀତି ହେଲେ ଶ୍ରୀମୁଖ ପ୍ରତି ବିପଦ ଥିବା ମହାପ୍ରଭୁଙ୍କ ଶ୍ରୀଅଙ୍ଗ ଲାଗି ଦଇତାପତି ସେବକ କହିଛନ୍ତି ।

ସେପଟେ ଗୁରୁବାର ପରିବର୍ତ୍ତେ ବୁଧବାର ବନକଲାଗି ନୀତି କରିବାକୁ ନିଷ୍ପତ୍ତି ହୋଇଥିବା ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ଏହି ନୀତିକୁ ସୁରୁଖୁରୁରେ ସମ୍ପର୍ଣ୍ଣ କରିବା ପାଇଁ ଏକ ବୈଠକ ଶ୍ରୀମନ୍ଦିର କାର୍ଯ୍ୟାଳୟ ପରିସରରେ ମୁଖ୍ୟ ପ୍ରଶାସକ ରଞ୍ଜନ କୁମାର ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି ।