ମୁମ୍ବାଇ(ବଡ଼ ଖବର ବ୍ୟୁରୋ): ନୂଆ ଚେହେରା ସହ ଫେରିଲେ ବଲିଉଡ ଅଭିନେତା ଆୟୁଷ୍ମାନ ଖୁରାନା । ସେ ନିଜର ଡ୍ରିମଗର୍ଲ-୨ ଫିଲ୍ମ ପାଇଁ ଅଧିକ ଚର୍ଚ୍ଚାରେ ଥିବା ଜଣାପଡିଛନ୍ତି । ଡ୍ରିମଗର୍ଲର ପ୍ରଥମ ପାର୍ଟ ମଧ୍ୟ ଫ୍ୟାନ୍ସ ମାନଙ୍କ ମନକୁ ଅତ୍ୟନ୍ତ ଆକର୍ଷିତ କରିଥିଲା । ଫିଲ୍ମରେ ଆୟୁଷ୍ମାନ ଝିଅ ହେବାର ଅଭିନୟ କରିବା ସହ ଏପରି କଥା ହୋଇଥିଲେ ଯେ ଫିଲ୍ମର ପ୍ରାୟ ସମସ୍ତ ଚରିତ୍ର ତାଙ୍କ ପଛରେ ପାଗଳ ହୋଇଯାଇଥିଲେ ।
ଏବେ ଡ୍ରିମଗର୍ଲ-୨ ଚଳଚ୍ଚିତ୍ରର ଅନ୍ୟ ଏକ ପୋଷ୍ଟର ରିଲିଜ ହୋଇଛି ଯେଉଁଥିରେ ଅଭିନେତା ଆୟୁଷ୍ମାନ ଖୁରାନାଙ୍କ ସ୍ଟାଇଲ ଅନେକ ଲୋକଙ୍କୁ ଆକର୍ଷୀତ କରିଛି । ଫିଲ୍ମ ଡ୍ରିମଗର୍ଲ-୨,୨୫ ଅଗଷ୍ଟରେ ସିନେମା ହଲରେ ମୁକ୍ତିଲାଭ କରିବ । ଏହି ଫିଲ୍ମଟି ଏହାର ପୂର୍ବ ପାର୍ଟ ଭଳି କମେଡି ଫିଲ୍ମ ହେବ ବୋଲି କୁହାଯାଉଛି । ତେବେ ଫିଲ୍ମ ଟିକୁ ଦର୍ଶକମାନେ କେତେ ଭଲପାଇବା ଦେବେ ତାହା ଫିଲ୍ମର ରିଲିଜ ପରେ ଜଣାପଡିବ ।
