ରାଜ୍ୟ ସରକାର ନୀରବ ରହି ନିଜକୁ ସୁରକ୍ଷା ଦେଉଛନ୍ତି: ଅନୁରାଗ ଠାକୁର

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମଣିପୁର ବର୍ବରତାକୁ ନେଇ ସାରା ଦେଶ ସ୍ତବ୍ଧ । ବିରୋଧୀ ସରକାରଙ୍କୁ କରୁଛନ୍ତି କଡ଼ା ସମାଲୋଚନା । ଏହାରି ଭିତରେ କେନ୍ଦ୍ରମନ୍ତ୍ରୀ ଅନୁରାଗ ଠାକୁର ଅନ୍ୟ ରାଜନୈତିକ ଦଳଙ୍କୁ କରିଛନ୍ତି କଡ଼ା ସମାଲୋଚନା । କହିଛନ୍ତି ବିହାର, ରାଜସ୍ଥାନ ଏବଂ ପଶ୍ଚିମବଙ୍ଗରେ ମହିଳାଙ୍କ ଉପରେ ନିର୍ଯାତନା ବଢ଼ି ଚାଲିଛି ।

କୌଣସି ବିରୋଧୀ ଦଳ ଏହି ପ୍ରସଙ୍ଗରେ ମୁହଁ ନ ଖୋଲି ନୀରବ ରହିଛନ୍ତି। ଯାହା ଅତ୍ୟନ୍ତ ନିନ୍ଦାଜନକ। ମହିଳା ନିର୍ଯାତନା ନେଇ ନିଜର ସ୍ବର ଉତ୍ତୋଳନ କରିଥିବା ରାଜସ୍ଥାନ ମନ୍ତ୍ରୀ ରାଜେନ୍ଦ୍ର ସିଂ ଗୁଦ୍ଧାଙ୍କୁ ବରଖାସ୍ତ କରାଯିବା ଦୁର୍ଭାଗ୍ୟପୂର୍ଣ୍ଣ। ପଶ୍ଚିମବଙ୍ଗରେ ଘଟିଥିବା ଘଟଣାରେ ରାଜ୍ୟ ସରକାର ନୀରବ ରହି ନିଜକୁ ସୁରକ୍ଷା ଦେବାରେ ଲାଗିଛନ୍ତି। ଏହା ସରକାରଙ୍କ ଅପାରଗତାକୁ ସୂଚିତ କରୁଛି।