ବଡ଼ ଖବର ପ୍ରଭାବ : ଶବଦାହ ଦେଖିବା ମନା

କଟକ, (ବଡ଼ ଖବର ବ୍ୟୁରୋ): ଗତ କିଛି ଦିନ ତଳେ ବଡ଼ ଖବରରେ ପ୍ରସାରିତ ହୋଇଥିଲା ‘ସତୀଚଉରାର ସତ’ ଶୀର୍ଷକ ଖବର । ଯେଉଁଥିରେ ଆମେ ଦେଖାଇ ଥିଲୁ କଟକ ସତୀଚୈରାରେ କରୋନାଜନିତ ମୃତକଙ୍କ ଶବଦାହ ଫଳରେ କିପରି ସାଧାରଣ ଜନତା ର ସ୍ୱାସ୍ଥ୍ୟ ପ୍ରତି ବିପଦ ସୃଷ୍ଟି ହେଉଛି । କଟକର ସମସ୍ତ କୋଭିଡ଼ ଏବଂ ଅଣ କୋଭିଡ଼ ବ୍ୟକ୍ତିଙ୍କର ଶବଦାହ କରାଯାଉଥିବାରୁ ଏହା ସ୍ଥାନୀୟ ଲୋକଙ୍କ ପ୍ରତି ବିପଦ ସୃଷ୍ଟି ହେଉଛି ବୋଲି ସ୍ଥାନୀୟ ଲୋକେ ମଧ୍ୟ ଅଭିଯୋଗ କରିଥିଲେ । ଏହାପରେ ଏହି ଖବର ବଡ଼ ଖବର ମାଧ୍ୟମରେ ପ୍ରକାଶ ପାଇବା ପରେ ଆକ୍ସନ ମୁଡ଼କୁ ଆସିଛି ପ୍ରଶାସନ । ବିଶେଷ କରି ଏହାଅନେକ ସ୍ଥାନ କୁ ସଂଯୋଗ କରୁଥିବା ରୁ ମଧ୍ୟ ଏହାଦ୍ୱାରା କରୋନା ସଂକ୍ରମଣ ବୃଦ୍ଧି ହୋଇପାରେ ବୋଲି ଅଭିଯୋଗ ହୋଇଆସୁଥିଲା । ଦୀର୍ଘଦିନ ପରେ ଭାଙ୍ଗିଛି ପ୍ରଶାସନର ନିଦ । ୧୦ଦିନ ଭିତରେ ପାଚେରୀ ବୁଲାଇ ସାଧାରଣ ଜନତାପାଇଁ ଶବ ଦାହ ଦେଖିବାକୁ ନିଷିଦ୍ଧ କରିବାକୁ ନିଷ୍ପତି ନେଇଛି କଟକ ପ୍ରଶାସନ ।