ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଭାରତୀୟ ସିନେମାରେ ଏଭର ଗ୍ରୀନ ଅଭିନେତ୍ରୀ ହେଉଛନ୍ତି ରେଖା । ଆକ୍ଟିଂ କ୍ୟାରିଅର ଠାରୁ ବ୍ୟକ୍ତିଗତ ଜୀବନ ପାଇଁ ଅଧିକ ଚର୍ଚ୍ଚାରେ ରହିଥାନ୍ତି । ଅନେକ କଳାକାରଙ୍କ ସହ ତାଙ୍କ ନାଁ କୁ ନିଆଯାଏ । ବଲିଉଡର ବିଗ ବି ଅମିତାଭ ବଚ୍ଚନଙ୍କ ସହ ଥିବା ତାଙ୍କ ସମ୍ପର୍କକୁ ନେଇ ସବୁ ବେଳେ ଲାଇମଲାଇଟରେ ରହିଆସନ୍ତି । ଏବେ ପୁଣି ଆଉ ଥରେ ଚର୍ଚ୍ଚାକୁ ଆସିଛି ରେଖାଙ୍କ ପର୍ସନାଲ ଲାଇଫ । ତାଙ୍କ ଉପରେ ଲିଖିତ ଜୀବନୀକୁ ନେଇ ଚର୍ଚ୍ଚା ହେଉଛି । ଲେଖକ ୟାସିର ଉସମାନ ‘ରଖା-ଦି ଅନଟୋଲ୍ଡ ଷ୍ଟୋରୀ’ନାମକ ଏକ ପୁସ୍ତକ ଲେଖିଛନ୍ତି । ପାଠକଙ୍କ କହିବା ମୁତାବକ ବହିରେ ଲେଖା ହୋଇଛି ଯେ, ରେଖା ତାଙ୍କ ସେକ୍ରେଟେରୀ ଫରଜାନଙ୍କ ସହ ରିଲେସନସିପରେ ଥିଲେ । ମିଡିଆ ରିପୋର୍ଟସ୍ରେ କୁହାଯାଇଛି ଯେ ଫରଜାନ ରେଖାଙ୍କର ପରଫେକ୍ଟ ପାର୍ଟନର । କେହି କେହି ଫରଜାନଙ୍କୁ ରେଖାଙ୍କ ପ୍ରେମିକ ବୋଲି ମଧ୍ୟ କୁହନ୍ତି । ଏମିତି କି ଯେଉଁଠି ଅନ୍ୟ ଷ୍ଟାଫଙ୍କୁ ରେଖାଙ୍କ ରୁମକୁ ଯିବାର ଅନୁମତି ନାହିଁ, ସେଠି ସେହି ଅଧିକାର ମିଳିଛି ଫରଜାନଙ୍କୁ । ରେଖାଙ୍କ ବିରୋଧରେ ଏଭଳି ଅଭିଯୋଗ ଆସୁଛି । ଯେଉଁଠି ଲେଖକ ୟାସିର ଉସମାନ ଏହି ଅଭିଯୋଗକୁ ଖାରଜ କରିଛନ୍ତି ।
ସେ କହିଛନ୍ତି, ମୋ ଲିଖିତ ବହି ‘ରେଖା ଦି ଅନଟୋଲ୍ଡ ଷ୍ଟୋରୀ’ରେ ସେ କୌଣସି ପ୍ରକାରର ଲିଭ ଇନ ରିଲେସନସିପ ତଥା ଫିଜିକାଲ ରିଲେସନ ବିଷୟରେ ଲେଖିନାହିିଁ । ସେ କହିଛନ୍ତି, ଏହି ଅଭିଯୋଗ ସମ୍ପୂର୍ଣ୍ଣ ମିଥ୍ୟା । ଏସବୁ ମନଗଢା କାହାଣୀ । ତାଙ୍କ ବହି ବିରୋଧରେ ଆଣିଥିବା ଏପରି ଗୁଜବ ପ୍ରଚାର କରୁଥିବା ଲୋକଙ୍କ ବିରୋଧରେ ଆଇନଗତ କାର୍ଯ୍ୟନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ୟାସିର ଉସମାନ । ତେବେ ଯଦି ରେଖାଙ୍କ ବୈବାହିକ ଜୀବନ ବିଷୟରେ ଆଲୋଚନା କରାଯାଏ ତେବେ ୧୯୯୦ ମସିହାରେ ଦିଲ୍ଲୀର ବ୍ୟବସାୟୀ ମୁକେଶ ଅଗ୍ରୱାଲଙ୍କ ହାତ ଧରିଥିଲେ ରେଖା । କିନ୍ତୁ ବେଶୀ ଦିନ ତିଷ୍ଠି ନଥିଲା ଏହି ଦାମ୍ପତ୍ତ୍ୟ ଜୀବନ । ବିବାହର ମାତ୍ର ୭ ମାସ ପରେ ଦୁହିଁଙ୍କ ମଧ୍ୟରେ ହୋଇଥିଲା ବିଚ୍ଛେଦ । କିନ୍ତୁ ବିବାହ ନୁହେଁ, ବଲିଉଡର ମହାନାୟକ ସୁପରଷ୍ଟାର ଅଭିତାଭ ବଚ୍ଚନଙ୍କ ପାଇଁ ତାଙ୍କର ପ୍ରେମ ସମ୍ପର୍କକୁ ନେଇ ସେ ସର୍ବଦା ଚର୍ଚ୍ଚାରେ ରହିଆସନ୍ତି । ବର୍ତ୍ତମାନ ଲେଖକ ୟାସିର ଉସମାନଙ୍କ ଦ୍ୱାରା ଲିଖିତ ବହି ‘ରେଖା ଦି ଅନଟୋଲ୍ଡ ଷ୍ଟୋରୀ’କୁ ନେଇ ବିବାଦ ସାମ୍ନାକୁ ଆସିଛି ।
