ଯେଉଁମାନଙ୍କ ମନରେ କଳା, ସେମାନଙ୍କ ହୃଦୟରେ କ’ଣ ଲୁଚି ରହିଛି?: ପୀୟୁଷ ଗୋୟଲ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମଣିପୁର ପ୍ରସଙ୍ଗକୁ ନେଇ ସରଗରମ ରହିଛି ଗୃହ । ବିରୋଧୀ ଲଗାତାର ପ୍ରଧାନମନ୍ତ୍ରୀଙ୍କୁ ମଣିପୁର ପ୍ରସଙ୍ଗ ପାଇଁ ଜବାବ ମାଗୁଛନ୍ତି । ଆଜି ବିରୋଧୀ ଏମପିମାନେ କଳା ପୋଷାକ ପିନ୍ଧି ଗୃହରେ ପହଞ୍ଚିଛନ୍ତି। ଏହାକୁ ନେଇ କେନ୍ଦ୍ରମନ୍ତ୍ରୀ ପୀୟୁଷ ଗୋୟଲ ଏ ସମ୍ପର୍କରେ ବିରୋଧୀଙ୍କୁ ଉତ୍ତର ମାଗିବା ସହ କଡ଼ା ସମାଲୋଚନା କରିଛନ୍ତି । ସେ କହିଛନ୍ତି ଯେ ଏଭଳି ଗମ୍ଭୀର ବିଷୟକୁ ନେଇ ରାଜନୀତିକରଣ କରାଯାଉଛି।

ଏହା ହେଉଛି ଭାରତର ପରିଚୟର ପ୍ରଶ୍ନ। ଗୋୟଲ କହିଛନ୍ତି ଯେ କଳା ପୋଷାକ ପିନ୍ଧିଥିବା ଲୋକମାନେ ଆଜି ଦେଶର ବଢୁଥିବା ଶକ୍ତି କ’ଣ ବୁଝିପାରୁ ନାହାଁନ୍ତି। ସେ ଆହୁରି ମଧ୍ୟ କହିଛନ୍ତି ଯେ ଯେଉଁମାନଙ୍କ ମନରେ କଳା, ସେମାନଙ୍କ ହୃଦୟରେ କ’ଣ ଲୁଚି ରହିଛି? ହୃଦୟରେ କଳା ଅଛି, କଳା ଟଙ୍କା ଲୁଚି ରହିଛି କି? ସେମାନଙ୍କର କ’ଣ କରନାମା ରହିଛି , ଯାହା ସେମାନେ ଦେଖାଇବାକୁ ଚାହାଁନ୍ତି ନାହିଁ ।