ପାଠ ପଢିବା ବଦଳରେ ପିଲା କରୁଛନ୍ତି କାମ

ସାହାରାପଡ଼ା (ବଡ଼ ଖବର ବ୍ୟୁରୋ): ପାଠ ପଢିବା ବଦଳରେ ପିଲା କରୁଛନ୍ତି କାମ । ରୋଷେଇ କାମ ଠାରୁ ଆରମ୍ଭ କରି କାଠ କଟା ଏବଂ ବାସନ ଧୋଇବା କାମରେ ନିୟୋଜିତ କରିଛନ୍ତି ପ୍ରଧାନ ଶିକ୍ଷକ ଓ ହଷ୍ଟେଲ ଦାୟିତ୍ଵରେ ଥିବା କର୍ତ୍ତୃପକ୍ଷ । ଏଭଳି ଦୃଶ୍ୟ ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ସାହାରପଡା ବ୍ଲକ ଦାମାହୁଦା ପଲ୍ଲିଶ୍ରୀ ବାଳିକା ବିଦ୍ୟାଳୟରେ । ଛାତ୍ରୀଙ୍କୁ ରୋଷେଇ, କାଠ କଟା ଓ ବାସନ ଧୋଇବା କାମରେ ନିୟୋଜିତ କରିଛନ୍ତି ଶିକ୍ଷକ ଛାତ୍ରୀମାନେ ।

ଯାହାର ଭିଡିଓ ଏବେ ଭାଇରାଲ ହେଉଥିବା ବେଳେ ପ୍ରଧାନ ଶିକ୍ଷକ ବିଜୟ କୁମାର ମହାନ୍ତ ହଷ୍ଟେଲ ଦାୟିତ୍ଵ ଥିବା ଛତ୍ରପତି ମହାନ୍ତ ଏବଂ ଦୁଇ ଜଣ ରୋଷେଇୟା ରିନା ନାୟକ, ସଙ୍ଗୀତା ହାଁସଦା, ଛାତ୍ରୀମାନଙ୍କୁ ମାନସିକତା ଚାପରେ ରଖିଥିବା ଜଣା ପଡିଛି । ଏଭଳି କାମ ପାଇଁ ଦାୟୀ କିଏ ? ବିଦ୍ୟାଳୟ କର୍ତ୍ତୃପକ୍ଷ ନା ସମ୍ପୃକ୍ତ ବିଭାଗ? ତଦନ୍ତ ପରେ ଜିଲ୍ଲା ପ୍ରଶାସନ କଣ ପଦକ୍ଷେପ ନେଉଛନ୍ତି ତାହାକୁ ଦେଖିବାକୁ ବାକି ରହିଲା।