ଜଳପ୍ରପାତରେ ବୁଡ଼ି ଛାତ୍ର ମୃତ

ବାରିପଦା (ବଡ଼ ଖବର ବ୍ୟୁରୋ):  ସେଲଫି ହେଲା କାଳ, ଜଳ ପ୍ରପାତରେ ବୁଡି ଜଣେ ଛାତ୍ର ମୃତ । ମୟୁରଭଞ୍ଜ ଜିଲ୍ଲା ଖୁଣ୍ଟା ଥାନା ଟୁଙ୍କି ଜଳପ୍ରପାତକୁ ସମ୍ପର୍କୀୟଙ୍କ ସହିତ ବୁଲିବାକୁ ଆସିଥିବା ଛାତ୍ର ସେଲଫି ନେଉଥିବା ବେଳେ ଅସାବଧାନତା ହେତୁ ଜଳପ୍ରପାତରେ ବୁଡି ଜଣଙ୍କର ମୃତ ହୋଇଥିବାର ଜଣା ପଡିଛି । ଗତକାଲି ବାଲେଶ୍ୱର ଜିଲ୍ଲା ବ୍ରହ୍ମପୁର ଅଞ୍ଚଳରୁ ଅମିତାଂଶୁ ବେହେରାଙ୍କ ସହିତ ତାଙ୍କର ସମ୍ପର୍କୀୟ ମାନେ ଟୁଙ୍କି ଜଳ ପ୍ରପାତକୁ ବୁଲିବାକୁ ଆସିଥିଲେ । ଜଳପ୍ରପାତ ଉପରେ ସେଲଫି ନେଉଥିବା ସମୟରେ ଅସାବଧାନତା ହେତୁ ଅମିତାଂଶୁ ଜଳପ୍ରପାତରେ ଖସି ପଡ଼ିଥିଲେ । ଖବର ପାଇ ଖୁଣ୍ଟା ଅଗ୍ନିଶ୍ରମ ବିଭାଗ ଘଟଣା ସ୍ଥଳରେ ପହଞ୍ଚି ଖୋଜାଖୋଜି କରିଥିଲେ । ବିଳମ୍ବିତ ରାତିରେ ମୃତଦେହ ଉଦ୍ଧାର କରିଥିଲେ ଅଗ୍ନିଶମ ବିଭାଗ ।