ଭୁବନେଶ୍ୱର (ବଡ଼ ଖବର ବ୍ୟୁରୋ): ଆଗୁଆ ନିର୍ବାଚନକୁ ନେଇ ବିଜେପି ରାଜ୍ୟ ସଭାପତି ମନମୋହନ ସାମଲଙ୍କ ପ୍ରତିକ୍ରିୟା ପରେ କଂଗ୍ରେସ ବିଧାୟକ ତାରା ବାହାନୀପତିଙ୍କ ସାଙ୍ଘାତିକ ବୟାନ । କହିଛନ୍ତି ବିଜେଡି ଓ ବିଜେପି ମଧ୍ୟରେ ଡିଲ ହୋଇଥିବାରୁ ଆଗୁଆ ନିର୍ବାଚନ କଥା ସେ କହୁଛନ୍ତି । ଏନେଇ ଦିଲ୍ଲୀରେ କଥାବାର୍ତ୍ତା ସରିଛି । ବିଜେପି ଯେଉଁଠି ଜିତିବାକୁ ଚାହିଁବ ବିଜେଡି ସେଠାରେ ଦୁର୍ବଳ ପ୍ରାର୍ଥୀ ଦେବ। ସେମାନେ ବିଜେଡି ସହ କଥାବାର୍ତ୍ତା ହୋଇଛନ୍ତି। ତୁରନ୍ତ ନିର୍ବାଚନ କଲେ ବିଜେଡି ଓ ବିଜେପି କେତେ ସିଟ ନେବେ ଭାଗବଣ୍ଟା କରି ମିଳିତ ସରକାର କରିବେ। ଫଳରେ ଓଡ଼ିଶାର ୨୧ ସାଂସଦ ନେଇ ପାରିବେ । ଏହା ସମ୍ପୂର୍ଣ୍ଣ ଭାବରେ ଡିଲ ହୋଇଛି । ବିଜେପି ରାଜ୍ୟ ସଭାପତି ମନମୋହନ ସାମଲ ଡାଇରେକ୍ଟ ଏହା କହୁ ନାହାନ୍ତି ।
ସେ ପରୋକ୍ଷ ଭାବରେ କହୁଛନ୍ତି ବିଜେଡି ଓ ଆମର ଡିଲ ହୋଇ ଗଲାଣି, କିପରି ଆମେ ୨୧ ସିଟ ନେବା ପାଇଁ । ଆଉ ଉଭୟ ଦଳ ମିଶି କରି ସରକାର ଗଢ଼ିବୁ। ଏମିତି କି କେନ୍ଦ୍ର ଓ ରାଜ୍ୟ ପାଇଁ ତାଙ୍କର ଡିଲ ସରିଲାଣି। ଯଦି ଆଗୁଆ ନିର୍ବାଚନ କରିବେ ମିଶିକି ଲଢ଼ିବେ । ବିଜେପିକୁ କେନ୍ଦ୍ରରେ ୨୧ ଏମପି ଆବଶ୍ୟକ। ବିଜେଡିର ଯେତିକି ସାଂସଦ ଦିଲ୍ଲୀ ଯାଇଛନ୍ତି ସମସ୍ତେ ବିଜେପିକୁ ପ୍ରତେକ ବିଲରେ ସାହାଯ୍ୟ କରୁଛନ୍ତି। ତେଣୁ ରାଜ୍ୟରେ ବିଜେପି ଓ ବିଜେଡି ଲଢ଼େଇର ଡ୍ରାମା କରି ଖୁଚୁରା ଲଢେଇ କରୁଛନ୍ତି।ଭୋଟର ଏମାନଙ୍କୁ କେବେ ହେଲେ କ୍ଷମା ଦେବେ ନାହିଁ । ଯଦି ଆସନ୍ତାକାଲି ମଧ୍ୟ ନିର୍ବାଚନ ହୁଏ ତାହାଲେ କଂଗ୍ରେସ ଲଢେଇ ପାଇଁ ପ୍ରସ୍ତୁତ ଅଛି। ଆମେ କାହା ସହ ଡିଲ କରିନୁ। ଏକୁଟିଆ ଲଢ଼ିବୁ। ମେଣ୍ଟ ଇଣ୍ଡିଆ ପରେ ବିଜେଡି ଓ ବିଜେପି ଡିଲ କଲେ।
