ପୁଅ ମୃତ୍ୟୁର ୮ ଦିନରେ ଆଖି ବୁଜିଲେ ସହିଦଙ୍କ ମା’

କେନ୍ଦୁଝର(ବଡ଼ ଖବର ବ୍ୟୁରୋ):ପୁଅ  ୮ ଦିନରେ ଆଖି ବୁଜିଲେ ସହିଦଙ୍କ ମା’ । ସହିଦ ସୁଶାନ୍ତ ଖୁଣ୍ଟିଆଙ୍କୁ ଝୁରି ଝୁରି ପ୍ରାଣ ହାରିଲେ ମାଆ । କେନ୍ଦୁଝର ଜିଲ୍ଲା ଆନନ୍ଦପୁରରସିଆରପିଏଫ୍ ଯବାନ ସୁଶାନ୍ତ ଖୁଣ୍ଟିଆ ୮ଦିନ ତଳେ ନକ୍ସଲ ଆକ୍ରମଣରେ ସହିଦ ହୋଇଥିଲେ । ପୂର୍ବରୁ ତାଙ୍କ ବାପା ଓ ଦୁଇଭାଇଙ୍କର ମଧ୍ୟ ମୃତ୍ୟୁ ହୋଇଥିଲା । ସାନପୁଅକୁ ହରାଇ ମ୍ରିୟମାଣ ହୋଇପଡିଥିଲେ ମାଆ ସୁନ୍ଦରୀ ଖୁଣ୍ଟିଆ । ପୁଅକୁ ଝୁରି ଝୁରି ଅସୁସ୍ଥ ହୋଇପଡିଥିଲେ ମାଆ ସୁନ୍ଦରୀ । ତାଙ୍କୁ ପ୍ରଥମେ ଆନନ୍ଦପୁର ଡାକ୍ତରଖାନରେ ଭର୍ତ୍ତି କରାଯାଇଥିଲା । ମାତ୍ର ଗୁରୁତର ହେବାରୁ କଟକ ସ୍ଥାନାନ୍ତର କରାଯାଇଥିଲା । କଟକ ଏସସିବିରେ ଚିକିତ୍ସା ଚାଲିଥିବା ବେଳେ ତାଙ୍କର ମୃତ୍ୟୁ ହୋଇଛି । ଏହି ଘଟଣା ଆନନ୍ଦପୁରେ ଶୋକର ଛାୟା ଖେଳାଇ ଦେଇଛି ।